દિલ્હીઃ દ્વારકાની શાળામાં મળી બોમ્બની ધમકી  

નવી દિલ્હીઃ રાષ્ટ્રીય રાજધાની દિલ્હીના દ્વારકામાં આવેલી DPS સ્કૂલમાં શુક્રવારે સવારે બોમ્બ હોવાની ધમકી મળી છે. શાળાને ધમકીભર્યો ઈ-મેલ મોકલવામાં આવ્યો હતો. ઘટનાસ્થળે પહોંચેલી પોલીસને કંઈપણ શંકાસ્પદ મળ્યું ન હતું.

સવારે લગભગ 5.15 વાગ્યે ડીપીએસ દ્વારા ફાયર વિભાગને આ માહિતી આપવામાં આવી હતી. થોડી જ વારમાં ફાયર વિભાગ અને દિલ્હી પોલીસની ટીમ સ્કૂલ કેમ્પસમાં પહોંચી અને તપાસ શરૂ કરી. તપાસમાં કશું જ શંકાસ્પદ મળ્યું નથી.

આ પછી સ્કૂલના મેનેજરે વાલીઓને આ ઘટના વિશે જાણ કરી અને તેમના બાળકોને સ્કૂલે ન મોકલવા જણાવ્યું. આજે બાળકોના વર્ગ ઓનલાઈન થશે.

છેલ્લા કેટલાક દિવસોથી દિલ્હીની શાળાઓમાં બોમ્બની ધમકીઓ મળી રહી છે.

10 દિવસમાં આ ચોથો કેસ છે જ્યારે દિલ્હીની શાળામાં બોમ્બની ધમકી મળી હોય.

અગાઉ 17 ડિસેમ્બરે દક્ષિણ દિલ્હી અને ઉત્તર પશ્ચિમ દિલ્હીની બે શાળાઓને બોમ્બની ધમકી મળી હતી.

આ પહેલા 9 ડિસેમ્બરે દિલ્હીની 40 સ્કૂલોને બોમ્બની ધમકી મળી હતી. આ પછી બાળકોને ઘરે મોકલી દેવામાં આવ્યા હતા. પરંતુ, જ્યારે દિલ્હી પોલીસ સહિતની તપાસ ટીમ તપાસ માટે પહોંચી ત્યારે ધમકી અંગે કોઈ શંકાસ્પદ તથ્યો બહાર આવ્યા ન હતા.

—IANS