છઠ માટે પશ્ચિમ રેલવે મેગા તૈયારી

દિવાળીની રજાઓ પૂરી થતાં અને છઠ પૂજાની તૈયારીઓ પૂરજોશમાં ચાલુ થતાં રેલવે સ્ટેશનો પર મુસાફરોની ભીડ ઉમટી પડી છે. આ વ્યસ્તતા વચ્ચે પશ્ચિમ રેકવેના જનરલ મેનેજર વિવેક કુમાર ગુપ્તાએ અમદાવાદ રેલવે સ્ટેશનની મુલાકાત લઈ તહેવાર દરમિયાનની તૈયારીઓની સમીક્ષા કરી. તેમણે જણાવ્યું કે દેશભરમાં 12,000 વધારાની ટ્રેનો અને પશ્ચિમ રેલવેમાં 2,000 ખાસ ટ્રેનો દોડાવવામાં આવશે.

અમદાવાદ-સુરત-મુંબઈમાં સૌથી વધુ ભીડ

અમદાવાદ, સાબરમતી, ઉધના-સુરત, વડોદરા અને મુંબઈ વિસ્તારોને હાઈ-ડેન્સિટી ઝોન તરીકે ઓળખવામાં આવ્યા છે.

• અમદાવાદમાં 35 અનરિઝર્વ્ડ ટ્રેનો પહેલેથી જ દોડાવાઈ રહી છે.
• હોલ્ડિંગ એરિયામાં બેઠક, પાણી, શૌચાલય, પ્રકાશ અને LED ડિસ્પ્લેની સુવિધા.

‘ટ્રેન ઑન ડિમાન્ડ’ સિસ્ટમ શરૂ

રેલવેની નવી પહેલ:

“જ્યાં મુસાફરોની સંખ્યા અચાનક વધે, ત્યાં તાત્કાલિક ટ્રેન પ્લેટફોર્મ પર મુકીને રવાના કરવામાં આવશે.”

સુવિધા અને સુરક્ષા પર ખાસ ધ્યાન

• વધારાના સિક્યુરિટી સ્ટાફ, ક્લીનિંગ ટીમો, મદદ કેન્દ્રો
• ઘોષણા સિસ્ટમ અને LED ડિસ્પ્લે અપગ્રેડ
• અમદાવાદ કાલુપુર અને સહજપુરમાં હોલ્ડિંગ એરિયાનું નિરીક્ષણ

ખોટી માહિતીથી સાવધાન!

સોશિયલ મીડિયા પર ભ્રામક વીડિયો અને ખોટી માહિતી ફેલાવાઈ રહી છે.

GM ગુપ્તાએ અપીલ કરી: “ફક્ત રેલવેના સત્તાવાર ચેનલ્સ પરથી જ માહિતી લો.”

80-90 હજાર કર્મચારીઓની ફરજ

પશ્ચિમ રેલવેના 80 થી 90 હજાર કર્મચારીઓ પોતાના તહેવાર છોડીને મુસાફરોની સુરક્ષિત અને આરામદાયક યાત્રા માટે દિવસ-રાત કાર્યરત છે.

GMનો સંદેશ: “અમારો ઉદ્દેશ્ય – દરેક મુસાફર પોતાના પરિવાર સાથે ખુશીથી તહેવાર ઉજવે.”

છઠ પૂજા માટે રેલવેની આ મેગા તૈયારીથી લાખો મુસાફરોને રાહત મળશે. તમે પણ સુરક્ષિત યાત્રા માટે રેલવેની સત્તાવાર માહિતી પર ભરોસો રાખો!