CBSE ધોરણ 12નું પરિણામ 2025 જાહેર, 88.39 ટકા વિદ્યાર્થીઓ પાસ, આ લિંક પરથી કરો ચેક

કેન્દ્રીય માધ્યમિક શિક્ષણ બોર્ડ (CBSE) દ્વારા આજે, 13 મે, 2025 ના રોજ ધોરણ 12ની પરીક્ષાનું પરિણામ જાહેર કરવામાં આવ્યું છે. આ વર્ષે પરીક્ષામાં કુલ 88.39 ટકા વિદ્યાર્થીઓ સફળ થયા છે.

ગત વર્ષે બોર્ડે 13 મેના રોજ પરિણામ જાહેર કર્યું હતું. આ વર્ષે 16,92,794 વિદ્યાર્થીઓએ ધોરણ 12ની પરીક્ષા આપી હતી, જેમાંથી 14,96,307 વિદ્યાર્થીઓ પાસ થયા છે. આ વર્ષે છોકરીઓનું પાસ થવાનું પ્રમાણ 91.64 ટકા રહ્યું છે, જ્યારે છોકરાઓનું પ્રમાણ 85.70 ટકા અને ટ્રાન્સજેન્ડર વિદ્યાર્થીઓનું પ્રમાણ 100 ટકા રહ્યું છે. ગયા વર્ષની સરખામણીમાં આ વર્ષનું પરિણામ સારું આવ્યું છે. છોકરીઓનું પાસ થવાનું પ્રમાણ છોકરાઓ કરતાં 5.94 ટકા વધારે છે.

વિદ્યાર્થીઓ તેમનું પરિણામ CBSEની સત્તાવાર વેબસાઇટ cbseresults.nic.in પર જઈને અથવા નીચે આપેલી લિંક્સ પર ક્લિક કરીને ચકાસી શકે છે:

• cbse.gov.in
• cbseresults.nic.in
• results.cbse.gov.in

પરિણામ જોવા માટે વિદ્યાર્થીઓએ તેમનો શાળા નંબર, રોલ નંબર, એડમિટ કાર્ડ આઈડી અને જન્મ તારીખ દાખલ કરવાની રહેશે. વિદ્યાર્થીઓ ડિજિટલ લોકર અને ઉમંગ એપ દ્વારા પણ પરિણામ ચકાસી શકે છે. SMS દ્વારા પરિણામ મેળવવા માટે વિદ્યાર્થીઓએ તેમના મેસેજિંગ એપમાં cbse12 ટાઈપ કરીને 7738299899 પર મોકલવાનું રહેશે.