બિહાર ચૂંટણી પહેલાં કરવામાં આવ્યો સર્વે, તેજસ્વી યાદવની CM તરીકે પહેલી પસંદગી, ભાજપ-JDUનું વધ્યું ટેન્શન

બિહાર વિધાનસભા ચૂંટણી 2025ની તારીખો હજુ જાહેર થઈ નથી, પરંતુ નવેમ્બર પહેલાં જાહેરાત થઈ શકે છે. વિધાનસભાનો કાર્યકાળ 22 નવેમ્બર, 2025ના રોજ પૂરો થશે, તેથી તે પહેલાં ચૂંટણી પ્રક્રિયા પૂર્ણ કરવી જરૂરી છે. આ દરમિયાન, ઓપિનિયન પોલ બિહારના રાજકારણમાં નવા સમીકરણો દર્શાવે છે, જે ભાજપ અને JDU ગઠબંધન માટે ચિંતાનો વિષય બન્યો છે.

સર્વે મુજબ, ઇન્ડિયા ગઠબંધન (કોંગ્રેસ અને RJD)ને 44.2% મત મળવાની શક્યતા છે, જ્યારે NDA (ભાજપ અને JDU)ને 42.8% મત મળી શકે છે. બિહારમાં ઇન્ડિયા ગઠબંધનનો મુખ્ય ચહેરો RJDના તેજસ્વી યાદવ છે, જેઓ યુવાનોની પહેલી પસંદગી બન્યા છે.

બિહારમાં કુલ 243 વિધાનસભા બેઠકો છે, અને બહુમતી માટે 122 બેઠકો જરૂરી છે. સર્વે અનુસાર, ઇન્ડિયા ગઠબંધનને 126 બેઠકો મળી શકે છે, જ્યારે NDAને 112 બેઠકો મળવાનો અંદાજ છે. જનસુરાજ પાર્ટીને માત્ર 1 બેઠક અને અન્ય પક્ષોને 8 બેઠકો મળી શકે છે.

મુખ્યમંત્રી પદ માટેની પસંદગીમાં તેજસ્વી યાદવ 43% મત સાથે પ્રથમ ક્રમે છે. નીતિશ કુમાર 31% મત સાથે બીજા ક્રમે, જ્યારે પ્રશાંત કિશોર 9% મત સાથે ત્રીજા ક્રમે છે. આ સર્વેના પરિણામોએ બિહારના રાજકીય વાતાવરણમાં હલચલ મચાવી દીધી છે.