Kashmir જતા પહેલા જોઈ લેજો આ અહેવાલ, IMD એ જાહેર કરી આગાહી...

સોમવારે કાશ્મીર (Kashmir)માં કોલ્ડવેવની સ્થિતિ વધુ ગંભીર બની હતી. ખીણમાં લઘુત્તમ તાપમાન શૂન્યથી અનેક ડિગ્રી સેલ્સિયસ નીચે ગયું હતું. હવામાન વિભાગના અધિકારીઓએ આ માહિતી આપી. હવામાન વિભાગે (IMD) જણાવ્યું કે શ્રીનગરમાં રવિવારે રાત્રે લઘુત્તમ તાપમાન - 3.2 ડિગ્રી સેલ્સિયસ નોંધાયું હતું, જ્યારે શનિવારે રાત્રે તે - 0.9 ડિગ્રી સેલ્સિયસ હતું.

પહેલગામમાં તાપમાન માઈનસ 6 ડિગ્રી...

દક્ષિણ કાશ્મીર (Kashmir)માં વાર્ષિક અમરનાથ યાત્રાના બેઝ કેમ્પ પૈકીના એક પહેલગામમાં શનિવારે રાત્રે લઘુત્તમ તાપમાન - 6.4 ડિગ્રી સેલ્સિયસ નોંધાયું હતું, જે શનિવારે રાત્રે - 3 ડિગ્રી સેલ્સિયસ હતું, એમ સ્થાનિક હવામાન વિભાગે (IMD) જણાવ્યું હતું. 

કાશ્મીરના આ વિસ્તારોમાં પણ તાપમાનમાં ઘટાડો...

હવામાન વિભાગના જણાવ્યા અનુસાર ઉત્તર કાશ્મીર (Kashmir)ના પર્યટન સ્થળ ગુલમર્ગમાં લઘુત્તમ તાપમાન - 5.4 ડિગ્રી સેલ્સિયસ નોંધાયું હતું. કાઝીગુંડમાં લઘુત્તમ તાપમાન માઈનસ ત્રણ ડિગ્રી, પમ્પોર નગરના કોનીબલમાં - 5 ડિગ્રી, કુપવાડામાં - 1.4 ડિગ્રી સેલ્સિયસ અને કોકરનાગમાં - 2.4 ડિગ્રી સેલ્સિયસ હતું. 

આગામી ત્રણ દિવસમાં હિમવર્ષા થશે...

આ સાથે હવામાન વિભાગે (IMD) કહ્યું કે, આગામી ત્રણ દિવસમાં એટલે કે 72 કલાકમાં ઘાટીમાં વિવિધ સ્થળોએ હિમવર્ષા થવાની સંભાવના છે. કાશ્મીર (Kashmir) હાલમાં 'ચિલ્લા-એ-કલાન'ની પકડમાં છે, જે દરમિયાન તે સૌથી વધુ ઠંડી છે.