કાલે 23મી જાન્યુઆરીએ આ રાજ્યોમાં બેંકો રહેશે બંધ, જાણો કારણ

આવતીકાલે એટલે કે 23મી જાન્યુઆરીએ તમામ બેંકોમાં રજા રહેશે. SBI જેવી સરકારી બેંકોથી લઈને HDFC જેવી ખાનગી બેંકો આવતીકાલે બંધ રહેશે. જો કે એવું નથી કે સમગ્ર દેશમાં બેંકો બંધ રહેશે. ગુરુવારે માત્ર પશ્ચિમ બંગાળ, ઓડિશા અને ત્રિપુરામાં બેંક રજા રહેશે. આ સમયગાળા દરમિયાન, ઑનલાઇન બેંકિંગ સામાન્ય રીતે ચાલુ રહેશે.

આ કારણોસર બેંકોમાં રહેશે રજા

આવતીકાલે 23મી જાન્યુઆરીએ નેતાજી સુભાષચંદ્ર બોઝ જયંતિ અને વીર સુરેન્દ્ર સાંઈ જયંતિ છે, તેની યાદમાં બેંકોમાં રજા રહેશે. નેતાજી સુભાષ ચંદ્ર બોઝની જન્મજયંતિ દર વર્ષે 23 જાન્યુઆરીએ પરાક્રમ દિવસ તરીકે ઉજવવામાં આવે છે. તેમણે આઝાદ હિંદ ફોજની સ્થાપના કરીને સ્વતંત્રતા સંગ્રામમાં મહત્વની ભૂમિકા ભજવી હતી. 23 જાન્યુઆરીએ વીર સુરેન્દ્ર સાંઈની જન્મજયંતિ પણ ઉજવવામાં આવે છે.  વીર સુરેન્દ્ર ઓડિશાના મહાન સ્વાતંત્ર્ય સેનાની અને આદિવાસી નાયક હતા.

બેંક રજાઓ દરમિયાન પણ ગ્રાહકો ઓનલાઈન બેંકિંગ સેવાઓનો ઉપયોગ કરી શકે છે. ફંડ ટ્રાન્સફર, બિલ પેમેન્ટ જેવી સેવાઓ બેંકની મોબાઈલ એપ અને ઈન્ટરનેટ બેંકિંગ દ્વારા મેળવી શકાય છે.