AHMEDABAD PLANE CRASH : સીટ નં. 11A હવે થશે સૌથી મોંઘી?

જ્યારથી અમદાવાદમાં પ્લેન ક્રેશ થયું છે.ત્યારથી સૌ કોઇ એવું વિચારી રહ્યું છે કે હવે હવાઇ મુસાફરી કરવી કેટલી અસુરક્ષીત થઈ ગઈ છે.અમદાવાદમાં અકસ્માતમાં માત્ર એક  મુસાફરનો જીવ બચ્યો હતો.આ કાંઈ ચમત્કારથી ઓછું નથી.કારણ કે તે પ્લેનની સૌથી સુરક્ષીત ગણાતી સીટ પર બેઠો હતો.હવે સ્વાભાવિક છે કે આ ઘટના પછી સૌ કોઇ સુરક્ષાને વધારે મહત્ત્વ આપશે.

ચાલો જાણીએ શું છે સત્ય? 

એરલાઇન્સ હવે આ સલામત સીટને મોંઘા વિકલ્પ તરીકે વેચવાની તૈયારી કરી રહી છે. તાજેતરમાં,અમદાવાદ એર ઇન્ડિયા ક્રેશ સંબંધિત એક રિપોર્ટ અને તેને લગતી સોશિયલ મીડિયા પોસ્ટ્સ આ મુદ્દાને ચર્ચામાં લાવ્યો છે.ઘણી પોસ્ટ્સમાં દાવો કરવામાં આવી રહ્યો છે કે અમદાવાદ એર ઇન્ડિયા વિમાન ક્રેશ પછી આ સીટની કિંમત વધુ વધશે અને તે સૌથી મોંઘી સીટ બની જશે? ચાલો જાણીએ શું છે સત્ય?

આ સીટ પર બેઠેલા 2 મુસાફરો અકસ્માતમાં બચી ગયા : 

હકીકતમાં,અમદાવાદમાં થયેલા વિમાન દુર્ઘટનામાં,સીટ નંબર 11A પર બેઠેલા એક મુસાફરનો બચાવ થયો,જોકે વિમાનને ભારે નુકસાન થયું હતું.આ સીટ પાંખની નજીક ઓવરવિંગ સીટ હતી,જેને સામાન્ય રીતે ઉડ્ડયન ઉદ્યોગમાં 'માળખાકીય રીતે મજબૂત' માનવામાં આવે છે.

આટલું જ નહીં, 11 ડિસેમ્બર, 1998 ના રોજ, 20 વર્ષીય થાઈ અભિનેતા અને ગાયક રુઆંગસાક લોયચુસાકે દક્ષિણ થાઈલેન્ડમાં લેન્ડિંગ કરતી વખતે થાઈ એરવેઝની ફ્લાઇટ TG261 ક્રેશ થઈ ગઈ ત્યારે મૃત્યુને હરાવી દીધું હતું. આ અકસ્માતમાં, વિમાનમાં સવાર 146 માંથી 101 લોકોએ જીવ ગુમાવ્યો હતો. રુઆંગસાક એ જ વિમાનની સીટ નંબર 11A પર બેઠો હતો.અને આજે 47 વર્ષના થયા પછી તે કહે છે કે તેણે એક રહસ્યમય સંયોગ જોયો છે.

આ સીટોની કિંમત હવે કેમ વધી શકે છે?

જ્યારે ફ્લાઇટમાં લેગ સ્પેસ અથવા વિન્ડો સીટ માટે પહેલાથી જ વધારાનો ચાર્જ લેવામાં આવે છે.ત્યારે હવે એવિએશન કંપનીઓ સેફ્ટી વેલ્યુને એક નવો ચાર્જિંગ પોઈન્ટ પણ બનાવી શકે છે.જે મુસાફરો ઇરાદાપૂર્વક સલામત માનવામાં આવતી સીટો પસંદ કરવા માંગે છે તેમની પાસેથી વધારાની ફી વસૂલવી  એરલાઇન્સ માટે આવકનો નવો સ્ત્રોત બની શકે છે.

એરલાઇન કંપનીઓ શું કરશે?

કેટલાક બજેટ અને પ્રીમિયમ કેરિયર્સે આ સીટોને 'સેફ્ટી પ્રીમિયમ સીટ' ની શ્રેણીમાં મૂકવાનું વિચારવાનું શરૂ કર્યું છે.હવે ટિકિટ બુકિંગ દરમિયાન ફક્ત વિન્ડો,પાંખ અથવા વધારાની લેગ રૂમ જ નહીં.પરંતુ ઉચ્ચ સલામતી ઝોન પણ એક વિકલ્પ હોઈ શકે છે.