પ્રેમ માટે શોકની રાહ જુઓ નહિ, વિમાન દુર્ઘટનાની આપત્તિ બાદ યુગલે છૂટાછેડાનો ટાળ્યો નિર્ણય

12 જૂન, 2025ના રોજ અમદાવાદમાં થયેલી ભયાનક વિમાન દુર્ઘટનાએ સમગ્ર દેશમાં શોકની લાગણી છવાવી દીધી છે. આ દુર્ઘટનામાં 242 મુસાફરો પૈકી મોટા ભાગે પોતાનો જીવ ગુમાવ્યો. પરંતુ આ દુઃખદ ઘટના દરમિયાન એક એવી પણ કથા બહાર આવી છે જે લાગણીઓથી ભરેલી છે.

90ના દાયકાની જાણીતી અભિનેત્રી અને ગાયિકા રાગેશ્વરી લૂમ્બાએ સોશિયલ મીડિયામાં શેર કરેલા વીડિયોમાં જણાવ્યું કે કેવી રીતે આ ઘટના કેટલાક યુગલોને ફરી પ્રેમ તરફ વાળવા માટે પ્રેરિત કરી ગઈ.

તેણી જણાવે છે કે, તે ઓળખતી 2 જુદા-જુદા યુગલ છૂટાછેડા લેવાના હતા. પરંતુ આ ઘટનાએ તેમને વધુ ઊંડા આત્મમંથન માટે મજબૂર કર્યા અને બંને યુગલોએ છૂટાછેડાનું નિર્ણય પાછો ખેંચી લીધો.

દુર્ઘટનાએ જીવનની નાજુકતા સમજાવી

રાગેશ્વરીએ જણાવ્યું કે, જ્યારે લોકો આવી આપત્તિઓનો સામનો કરે છે ત્યારે તેમને જીવન અને સંબંધોની સાચી કિંમત સમજાય છે. તેમણે કહ્યું કે, દુર્ઘટનાએ લોકોને પોતાનો અહંકાર છોડીને પોતાના નિકટના સંબંધો સાથે પુનઃજોડાવા માટે મજબૂર કર્યા છે. તેણીએ કહ્યું કે, આવા ક્ષણોમાં લોકો પોતાનો ગુસ્સો, ભેદભાવ અને ઈગો એક બાજુ મૂકી દે છે અને જીવનમાં ‘શું મહત્વનું છે’ એ પર ફરીથી વિચાર કરે છે.

માત્ર વિજ્ઞાન નહીં, લાગણીઓ પણ શક્તિશાળી

રાગેશ્વરીએ કહ્યું કે, દુર્ઘટનાઓ સામાન્ય રીતે આપણી અંદર આત્મનિરીક્ષણ જગાડે છે. વ્યક્તિ એવું વિચારે છે કે, તે જે લોકોના પ્રેમ અને સાથને એક સામાન્ય બાબત સમજીને અવગણતો રહ્યો, તે જ જીવનના સૌથી મહત્વના સંબંધો છે. તેમણે જણાવ્યું કે, દુઃખદ ઘટનાઓ જીવનમાં એબ્રપ્ટ વિરામ લાવે છે અને આપણે શું ગુમાવવાનું નથી ઇચ્છતા, એ અંગે સ્પષ્ટતા આપે છે.