આસામમાં બે અલગ-અલગ રસ્તાઓ પર અકસ્માત, આઠ લોકોના મોત

 આસામ: આસામના બજલી જિલ્લા અને ધુબરી જિલ્લામાંથી દુઃખદ સમાચાર સામે આવી રહ્યા છે. શનિવારે અહીં બે અલગ-અલગ માર્ગ અકસ્માતમાં આઠ લોકોના મોત થયા હતા અને ત્રણ ગંભીર રીતે ઘાયલ થયા હતા.   પોલીસે જણાવ્યું કે, આ લોકો બજલી જિલ્લામાં રાસ ઉત્સવ જોઈને નલબારીમાં પોતાના ઘરે પરત ફરી રહ્યા હતા ત્યારે ભવાનીપુરમાં તેમની વાન એક ટ્રક સાથે અથડાઈ હતી. જેના કારણે પાંચ લોકોના ઘટનાસ્થળે જ મોત થયા હતા. જ્યારે બે ઘાયલોને ફકરુદ્દીન અલી અહેમદ મેડિકલ કોલેજ અને હોસ્પિટલમાં દાખલ કરવામાં આવ્યા છે અને તેમની હાલત ગંભીર હોવાનું કહેવાય છે.   અન્ય અકસ્માતમાં, ધુબરી જિલ્લાના અગોમોની વિસ્તારમાં ગેરહાટ નજીક પાર્ક કરેલી ટ્રક સાથે વાહન અથડાતાં ત્રણ લોકોના મોત થયા હતા અને એક ગંભીર રીતે ઘાયલ થયો હતો. ધુબરીમાં થયેલા અકસ્માતમાં આ લોકો ગૌરીપુરથી પશ્ચિમ બંગાળના કૂચ બિહારમાં ચાલી રહેલા રાસ મેળામાં જોવા માટે જઈ રહ્યા હતા ત્યારે આ અકસ્માતમાં ત્રણ લોકોના ઘટનાસ્થળે જ મોત થયા હતા.