પશ્ચિમ બંગાળમાં રેલ અકસ્માત સર્જાયો

હાવડા: પશ્ચિમ બંગાળના હાવડામાં એક ટ્રેન અકસ્માત થયો છે. અહીં સિકંદરાબાદથી શાલીમાર તરફ જતી 22850 સિકંદરાબાદ-શાલીમાર એક્સપ્રેસ ટ્રેનના કેટલાક ડબ્બા પાટા પરથી ઉતરી ગયા હતા.   આ સમગ્ર ઘટના પશ્ચિમ બંગાળના હાવડામાં નવલપુર રેલવે સ્ટેશન પાસે બની હતી. અહીં સિકંદરાબાદથી શાલીમાર જતી એક્સપ્રેસ ટ્રેનના ત્રણ ડબ્બા પાટા પરથી ઉતરી ગયા હતા. જો કે રાહતની વાત એ છે કે આ અકસ્માતમાં કોઈ જાનહાનિ થઈ નથી.   દુર્ઘટના વિશે માહિતી આપતા, દક્ષિણ પૂર્વ રેલવેના મુખ્ય જનસંપર્ક અધિકારી ઓમપ્રકાશ ચરણે ફોન પર જણાવ્યું કે સિકંદરાબાદથી શાલીમાર જઈ રહેલી ટ્રેન નવલપુર રેલવે સ્ટેશન પાસે પાટા પરથી ઉતરી ગઈ હતી.    દુર્ઘટના બાદ રેલ્વે અધિકારીઓ ઘટનાસ્થળે પહોંચી ગયા, તેમના જણાવ્યા અનુસાર, દુર્ઘટનાગ્રસ્ત 22850 સિકંદરાબાદ-શાલીમાર એક્સપ્રેસ ટ્રેનના તમામ મુસાફરોને સલામત રીતે નીચે ઉતારવામાં આવ્યા છે. કેટલાક મુસાફરોને સામાન્ય ઈજાઓ થઈ છે અને તેઓ હોસ્પિટલમાં સારવાર હેઠળ છે.   --IANS