UP-બિહારમાં ઠંડીના કારણે 10 લોકોના મોત

જમ્મુ-કાશ્મીર-હિમાચલ પ્રદેશમાં હિમવર્ષાના કારણે સમગ્ર ઉત્તર ભારતમાં ઠંડીની અસર વધી રહી છે. છેલ્લા 24 કલાકમાં ઉત્તર પ્રદેશમાં ઠંડીના કારણે 8 અને બિહારમાં 2 લોકોએ જીવ ગુમાવ્યા છે.દેશના 14 રાજ્યોમાં સતત બીજા દિવસે ગાઢ ધુમ્મસ જોવા મળી રહ્યું છે. શનિવારે દિલ્હીમાં 9 કલાક સુધી ઝીરો વિઝિબિલિટી નોંધાઈ હતી.

છેલ્લા 2 દિવસમાં અહીં 800થી વધુ ફ્લાઈટ્સ મોડી પડી છે. રવિવારે સવારે પણ 114 ફ્લાઈટ સમયસર ઉડી શકી ન હતી. એટલે કે 3 દિવસમાં 900થી વધુ ફ્લાઈટને અસર થઈ છે.રાજસ્થાન અને મધ્યપ્રદેશમાં હાલમાં ઠંડીથી રાહત મળી છે. રવિવારે રાજસ્થાનના કેટલાક જિલ્લાઓમાં વરસાદની સંભાવના છે. તેમજ, મધ્યપ્રદેશમાં 2 દિવસ પછી ઠંડીમાં વધારો થવાની સંભાવના છે. ઘણા જિલ્લાઓમાં તાપમાનમાં 2 થી 3 ડિગ્રીનો ઘટાડો થઈ શકે છે.

હવામાન વિભાગે કાશ્મીર અને ચિનાબ ઘાટીમાં ભારે હિમવર્ષા થવાની આગાહી કરી છે. તેમજ, હિમાચલ પ્રદેશના 7 જિલ્લામાં ભારે હિમવર્ષા થવાની સંભાવના છે.

હિમાચલના ઘણા જિલ્લાઓમાં હિમવર્ષા થવાની શક્યતા છે. હિમાચલ, ઉત્તરાખંડ, પંજાબ, હરિયાણા અને દિલ્હીમાં વીજળી અને તેજ પવનનું એલર્ટ છે.

દિલ્હી, રાજસ્થાન, મધ્યપ્રદેશ, ઉત્તર પ્રદેશ, બિહાર, પંજાબ, હરિયાણા, પશ્ચિમ બંગાળ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરામાં ધુમ્મસ રહેશે.