ગુજરાતમાં &lsquo;બુક અ કોલ વિથ BLO&rsquo; પહેલ લોકપ્રિય બની, હજારો નાગરિકોને મળ્યું માર્ગદર્શન :&nbsp;
ગુજરાત રાજ્યમાં હાલ ચાલી રહેલી મતદાર યાદીની ખાસ સુધારણા ઝુંબેશ (SIR) દરમિયાન ચૂંટણી પંચ દ્વારા શરૂ કરાયેલ &lsquo;બુક અ કોલ વિથ BLO&rsquo; પહેલ નાગરિકોમાં ખૂબ લોકપ્રિય બની રહી છે. મુખ્ય નિર્વાચન અધિકારી હારીત શુક્લાની આગેવાની હેઠળ 27 ઑક્ટોબર 2025થી શરૂ થયેલી આ ઝુંબેશનો હેતુ મતદાર યાદીની શુદ્ધતા અને સમાવેશિતા સુનિશ્ચિત કરવાનો છે.
10 નવેમ્બર 2025 સુધી રાજ્યભરમાં કુલ 10,204 નાગરિકોએ ECINET વેબસાઈટ પર જઈ આ સુવિધાનો લાભ લીધો છે. જેમાંથી 6,239 નાગરિકોનો સંપર્ક BLO દ્વારા માત્ર 48 કલાકમાં જ કરીને તેમની સમસ્યાઓનું સમાધાન કરવામાં આવ્યું છે. બાકી નાગરિકોનો સંપર્ક કરવાનો પ્રયાસ ચાલુ છે.
મતદાર યાદી સુધારણામાં ટેક્નોલોજીનો ઉમદા ઉપયોગ :&nbsp;
મતદારોને સહેલાઈથી માહિતી મળે અને કોઈ પાત્ર મતદાર યાદીમાંથી છૂટી ન જાય તે માટે BLO દ્વારા ઘરે-ઘરે જઈ એન્યુમરેશન ફોર્મનું વિતરણ કરવામાં આવી રહ્યું છે. સાથે સાથે &lsquo;બુક અ કોલ વિથ BLO&rsquo; સુવિધા દ્વારા ઓનલાઇન સંપર્ક પ્રક્રિયા વધુ સરળ અને પારદર્શક બની છે.
જાણો કેવી રીતે કરશો &lsquo;બુક અ કોલ વિથ BLO&rsquo; ઑનલાઇન :&nbsp;
1. સૌપ્રથમ&nbsp;ecinet.eci.gov.in વેબસાઈટ પર જાઓ
2. હોમ પેજ પર દેખાતા &lsquo;Book a Call with BLO&rsquo; વિકલ્પ પર ક્લિક કરો
3. તમારો રજિસ્ટર્ડ મોબાઇલ નંબર અથવા EPIC નંબર નાખો અને OTP દ્વારા લૉગિન કરો
4. સ્ક્રીન પર તમારી વિગતો દેખાશે
5. અંતે &lsquo;Book a Call with BLO&rsquo; બટન પર ક્લિક કરીને કન્ફર્મ કરો
પ્રક્રિયા પૂર્ણ થયા બાદ BLO પોતે મતદારનો સંપર્ક કરશે. આ ઉપરાંત, એન્યુમરેશન ફોર્મ પર આપેલા સંપર્ક નંબર દ્વારા પણ મતદારો સીધો સંપર્ક કરી શકે છે.

બુક અ કોલ વિથ BLO ગુજરાત ઝુંબેશ

મતદાર યાદીની ખાસ સુધારણા ઝુંબેશમાં નવી ટેક્નોલોજી આધારિત પહેલથી નાગરિકો ખુશ

November 10, 2025 | 23:59 IST