જો તમે બટાકા ખાવાના શોખીન હોય તો હવે થી તેને ફ્રેન્ચ ફ્રાઈઝ તરીકે નહિ પરંતુ ઉકાળેલા અથવા શેકેલા રૂપમાં ખાવાનું વિચારો. નવા સંશોધનથી જાણવા મળ્યું છે કે, જો કોઈ વ્યક્તિ દર સપ્તાહે 3 વખત ફ્રેન્ચ ફ્રાઈઝઝ ખાય, તો તેમાં ટાઈપ-2 ડાયાબિટીસનો ખતરો લગભગ 20 ટકા સુધી વધી શકે છે.
આ અભ્યાસ બ્રિટિશ મેડિકલ જર્નલ (BMJ)માં પ્રકાશિત થયો છે અને તેમાં 2 લાખથી વધુ પુખ્ત વ્યક્તિઓની ડાયટ આદતોને 30 વર્ષથી વધુ સમય સુધી ટ્રેક કરવામાં આવી હતી. આ અભ્યાસ દરમિયાન કુલ 22,299 લોકોને ડાયાબિટીસ થયું હતું.
શોધમાં જાણવા મળ્યું કે, ઉકાળેલા, શેકેલા કે મેશ્ડ બટાકાની તુલનાએ ફ્રેન્ચ ફ્રાઈઝ ડાયાબિટીસના જોખમને વધારે છે. ઉલટું જો બટાકાની જગ્યા પર ઘઉં જેવા અનાજ ખાવામાં આવે તો ડાયાબિટીસનો જોખમ 4% સુધી ઘટી શકે છે. અને ખાસ કરીને જો ફ્રેન્ચ ફ્રાઈઝની બદલે મોટા અનાજ અપનાવાય, તો તે જોખમ 19% સુધી ઘટાડે છે.
હવે માત્ર આટલું જ નહીં, રિફાઈન્ડ ગ્રેન્સ પણ ફ્રેન્ચ ફ્રાઈઝ કરતા વધારે સારો વિકલ્પ સાબિત બની જાય છે, કારણ કે તે પણ ડાયાબિટીસના જોખમને ઓછું કરે છે.
હાવર્ડ ટી. એચ. ચાન સ્કૂલ ઓફ પબ્લિક હેલ્થના મુખ્ય સંશોધક પ્રોફેસર વાલ્ટર વિલેટ જણાવે છે કે, 'જાહેર આરોગ્ય માટે આ સંદેશો ખૂબ સ્પષ્ટ અને અસરકારક છે. આપણા દૈનિક ખોરાકમાં થતાં નાના ફેરફારોથી પણ ટાઈપ-2 ડાયાબિટીસના જોખમમાં મોટો બદલાવ આવી શકે છે.'
તેમણે વધુમાં કહ્યું કે, 'વિશેષ કરીને ફ્રેન્ચ ફ્રાઈઝના સેવનને મર્યાદિત રાખીને અને મોટા અનાજ જેવા હેલ્ધી વિકલ્પ અપનાવવાથી આ જીવલેણ રોગના જોખમને નોંધપાત્ર રીતે ઘટાડવું શક્ય છે.'

ફ્રેન્ચ ફ્રાઈઝથી ડાયાબિટીસનું જોખમ

દર અઠવાડિયે 3 વખત ફ્રેન્ચ ફ્રાઈઝ ખાવાથી ટાઈપ-2 ડાયાબિટીસનું જોખમ નોંધપાત્ર રીતે વધી શકે છે

August 8, 2025 | 21:44 IST