શિયાળાની ઋતુનું આગમન થતાં જ બજારમાં ફ્રેશ અને લીલીછમ પાલક આવવાની શરૂઆત થઈ જાય છે. જોકે, મોટાભાગના લોકો માટે પાલકનું નામ સાંભળવું બોરિંગ હોય છે. પરંતુ જો તમને કહેવામાં આવે કે, આ જ પાલકનો ઉપયોગ કરીને એક એવી વાનગી બને છે, જે તમારા મોઢામાં પાણી લાવી દેશે? જી હા, વાત થઈ રહી છે આબુરોડના પ્રખ્યાત પાલક પકોડાની, જેનો અસલી સ્વાદ હવે આપણા અમદાવાદમાં પણ પાલક પકોડા હાઉસ ખાતે માણી શકાય છે. અહીં તમને માત્ર પાલક પકોડા જ નહીં, પણ ચટપટી પાલક ચાટ પણ માણવા મળશે.
પકોડા બનાવવાનું મેથેમેટિક&nbsp;
આ પાલક પકોડા બનાવવામાં કોઈ મોટું કે મેથેમેટિક નથી. તેમાં મુખ્યત્વે માત્ર પાલક, ચણાનો લોટ અને મીઠાનો ઉપયોગ થાય છે. પરંતુ, આની ખાસિયત તેની બનાવટમાં છે. આમાં ચણાનો લોટ નહિવત માત્રામાં રાખવામાં આવે છે, જેથી પાલકનો સ્વાદ મુખ્ય રહે. આ પકોડાને ત્યાં સુધી તળવામાં આવે છે જ્યાં સુધી તેમાં રહેલું મોઈશ્ચર સંપૂર્ણપણે દૂર ન થઈ જાય અને પકોડા ક્રિસ્પી ન બને. આ જ ટ્રીક તેને સામાન્ય પકોડા કરતાં અલગ બનાવે છે.
<video style="display: table; margin-left: auto; margin-right: auto;" controls="controls" width="300" height="150">
<source src="https://ibp-benefits.s3.ap-south-1.amazonaws.com/prod/news/uploads/videos/1764732912026_0212_PAKAL_PAKODA_VIDEO_100_MB.mp4.mp4" type="video/mp4"></video>
ફૂડ લવર્સ માટે એક નવો અને મજેદાર વિકલ્પ
આ પાલક પકોડાને ગરમા-ગરમ કઢી અને પાવ સાથે પીરસવામાં આવે છે. આમાં ખાસ કરીને કઢીની વાત કરવી જરૂરી છે. આ કઢી સામાન્ય કઢી કરતાં સાવ અલગ છે. આ કઢીની સૌથી અગત્યની વાત એ છે કે તેના બનાવટમાં છાશ કે દહીંનો ઉપયોગ બિલકુલ થતો નથી. તેની કન્ટીટન્સી પણ એકદમ પાતળી હોય છે. આ પાતળી, છાશ વગરની કઢી સાથે જ્યારે ક્રિસ્પી પાલક પકોડા ખાવામાં આવે છે, ત્યારે તેનો સ્વાદ અને મજા ચાર-ચાંદ લગાવી દે છે. શિયાળાની સાંજે ગરમાગરમ પકોડા અને કઢીનું આ કોમ્બિનેશન અમદાવાદના ફૂડ લવર્સ માટે એક નવો અને મજેદાર વિકલ્પ બની રહેશે.

'પાલક પકોડા હાઉસ' ખાતે મળતા પાલક પકોડા કઢી સાથેની તેની ક્રિસ્પીનેસને કારણે લોકપ્રિય છે

December 2, 2025 | 23:09 IST