સુરતમાં પત્ની-પુત્રના હત્યારાએ ફરી આપઘાતનો પ્રયાસ કર્યો

સુરતના સરથાણામાં 27મી ડિસેમ્બરની વહેલી સવારે સૂર્યા ટાવર સોસાયટીમાં રહેતા સ્મિત જીયાણીએ માતા-પિતા, પત્ની અને બાળક પર ચાકુ વડે ઘા માર્યા હતા. જેમાં પત્ની અને પુત્રનું મૃત્યુ નિપજ્યું હતું. આ યુવકે પોતાના ગળાના ભાગે ચાકુ મારી આપઘાતનો પ્રયાસ કર્યો છે. છેલ્લા ચાર દિવસથી સ્મિત જીયાણીની હોસ્પિટલમાં સારવાર ચાલી રહી છે. આ દરમિયાન પોલીસના ડરથી સ્મિતે ફરી ટોયલેટમાં ઘૂસી કાચ વડે પોતાનું ગળું કાપીને આપઘાતનો પ્રયાસ કર્યો છે. આ ઘટનાની જાણ થતાં સ્થાનિક પોલીસનો કાફલો હોસ્પિટલ ખાતે પહોંચી ગયો છે. 

સરથાણા વિસ્તારમાં રહેતા સ્મિત જીયાણીએ પોતાની માતા-પિતા, પત્ની અને બાળક પર ચાકુ વડે ઘા કર્યા હતા. ત્યારબાદ પોતાના ગળાના ભાગે ચાકુ મારી આત્મહત્યાનો પ્રયાસ કર્યો હતો. આ યુવકના ઘાતકી હુમલામાં પત્ની અને બાળકનું મોત નિપજ્યું હતું, જ્યારે માતા-પિતા અને હુમલો કરનાર યુવકને ગંભીર ઈજા પહોંચતાં તાત્કાલિક સારવાર માટે હોસ્પિટલમાં ખસેડવામાં આવ્યા હતા. 

ઉલ્લખનીય છે કે, પારિવારિક મનદુ:ખના કારણે ઘરમાં માથાકૂટ અને કંકાસ ચાલતો હતો. જેને લઇને સ્મિતે તણાવમાં હતો અને જેના લીધે આ ઘટનાનો અંજામ આપ્યો હોવાનું જાણવા મળ્યું છે. ઘટનાની જાણ થતાં પોલીસનો કાફલો ઘટનાસ્થળે પહોંચી ગયો છે અને વધુ તપાસ હાથ ધરી છે.