'ભણશે ગુજરાત' પણ ભણાવશે કોણ? પ્રવેશોત્સવનો ઉત્સવ,બીજી બાજુ સ્કૂલોમાં એક જ શિક્ષક

એક તરફ,બાળકોથી ભણતરથી વંચિત રહી ન જાય તે હેતુસર ગુજરાતમાં શાળા પ્રવેશોત્સવનો પ્રારંભ કરાયો છે.બીજીતરફ,શાળાઓની એવી દશા છેકે,એક શિક્ષક એક કરતાં વધુ ધોરણના વિદ્યાર્થીઓને ભણાવી રહ્યાં છે.'ભણશે ગુજરાત'ના નારાં લગાવવામાં આવી રહ્યાં છે ત્યારે સવાલ એ ઉઠ્યો છે કે,શાળાઓમાં વિદ્યાર્થીઓને ભણાવશે કોણ...

વિધ્યાર્થીઓના ભવિષ્યની વાત આવે ત્યારે વિધ્યાર્થી મન લગાવીને ભણશે ત્યારે જ તે ભવિષ્યમાં કઈ બની શકશે પોતાના દેશનું નામ રોશન કરી શકશે. સાથે પોતાના પરિવારનું પણ નામ રોશન કરશે. વિધ્યાર્થીઓને સારી શિક્ષા આપનાર એક શિક્ષક જ હોય છે.બાળકને માં પછી બીજા સંસ્કાર આપનાર એક શિક્ષક જ હોય છે.બાળકના ભવિષ્યમાં શિક્ષકની ભૂમિકા ખૂબ જરૂરી છે.શિક્ષક જે તેને શિખવાડશે તે જ  આગળ તેના ભવિષ્યમાં કામ લાગ શકે.જેના કારણે જીવનમાં શિક્ષકની ભૂમિકા અગત્યની છે. 

ગુજરાત શિક્ષણક્ષેત્રે હરણફાળ ભરી રહ્યું છે તેવી ડિંગો હાંકવામાં આવી રહી છે ત્યારે કડવી હકીકત એ છેકે,શાળાઓમાં શિક્ષણની સ્થિતી વધુ બદતર બની છે.શાળા પ્રવેશોત્સવ ઉજવી સરકારી તાયફા કરવામાં આવી રહ્યાં છે.મંત્રીઓથી માંડીને આઇપીએસ-આઇએએસ અધિકારીઓ પ્રવેશોત્સવમાં ભાગ લઈ રહ્યાં છે પણ આ જ શાળાઓની એવી દશા છેકે,પુરતા શિક્ષકો નથી. 

ધારાસભ્ય ચૈતર વસાવાએ આક્ષેપ કર્યો છેકે, માત્ર નર્મદા જીલ્લામાં જ 1000થી વધુ શાળાઓ એવી છે જ્યાં એક કરતાં વધુ ધોરણના વિદ્યાર્થીઓને એક માત્ર શિક્ષક અભ્યાસ કરાવે છે.ગુજરાતમાં કુલ મળીને 1600 શાળાઓ એક માત્ર શિક્ષકથી ચાલે છે.વિદ્યાર્થીઓને ભણાવવાની સાથે સાથે શિક્ષકને સરકારી કામો પણ કરવા પડે છે.ગુજરાતમાં 1456 શાળાઓમાં પુરતા વર્ગખડો નથી.

વિદ્યાર્થીઓ ઝાડ નીચે બેસીને ભણવા મજબૂર બન્યાં છે.ક્યાંક ગ્રામ પંચાયત અને ભાડાના મકાનમાં બાળકો ભણી રહ્યાં છે.શાળાઓની આવી કરણે દશા છે તેમ છતાંય સરને શાળાઓમાં પુરતી સુવિધા કરવાનુ સુઝતુ નથી.શિક્ષકોની ભરતી કરવાની પડી નથી.શાળાઓમાં પુરતા શિક્ષકો નથી તેમ છતાંય વિદ્યાર્થીઓના નામે પ્રવેશોત્સવ ઉજવી સરકાર માત્રને માત્ર પ્રચારમાં મશગૂલ બની છે.

દેશમાં આટલા બધા બેરોજગાર લોકો છે.તો પણ કેમ સરકાર ભરતી કરતી નથી શિક્ષકની દેશમાં ઘણા બધા લોકો સરકારી નોકરીની તૈયારી કરતાં હોય છે.તો શું કામ સરકાર ભરતી કરતી નથી.આવી રીતે ચાલતું રહ્યું તો આગળ જઈને ભારત દેશ બેરોજગારી યુવાન દેશ તરીકે પહેલો આવી જશે.જે રીતે દિવસે દિવસે બેરોજગારી વધી રહી તેમ અને ભારતમાં વસ્તીનું પ્રમાણ પણ વધતું જતું જોવા મળી રહ્યું છે.શાળામાં શિક્ષક જ નહિ હોય તો બાળકને સારું જ્ઞાન આપશે કોણ? અને બાળકનું ભવિષ્યમાં સારા સંસ્કાર નહિ મળી રહે અને બાળક ઊંધી દિશામાં જતું રહેશે.