વડોદરા પોલીસ દ્વારા 'તેરા તુજકો અર્પણ' કાર્યક્રમ, 51.77 લાખનો મુદ્દામાલ માલિકોને પરત

વડોદરા શહેરના ફેકલ્ટી ઓફ ટેકનોલોજી કલાભવન ખાતે “તેરા તુજકો અર્પણ” અને લોન મેળા કાર્યક્રમનું આયોજન ઝોન-2ના રાવપુરા, નવાપુરા, અકોટા, ગોત્રી, અટલાદરા અને જે. પી. રોડ પોલીસ સ્ટેશનો દ્વારા કરવામાં આવ્યું હતું.

આ કાર્યક્રમમાં ચોરાયેલા ઘરેણાં, ગુમ થયેલા મોબાઇલ, વાહનો તથા સાઇબર ફ્રોડના કેસમાં મળેલ કુલ રૂપિયી 51,77,131ના મુદ્દામાલ મૂળ માલિકોને પરત સોંપવામાં આવ્યા હતા. પરત આપવામાં આવેલા મુદ્દામાલનું વિતરણ નાયબ પોલીસ કમિશનર ઝોન-2 અભય સોની અને મદદનીશ પોલીસ કમિશનર ડી ડિવિઝન એ. વી. કાટકડના હસ્તે કરવામાં આવ્યો હતો.

આ કાર્યક્રમમાં વિવિધ બેન્કોના મેનેજરો દ્વારા સરકારી નાણાકીય યોજનાઓ અંગેની માહિતી પણ આપી હતી. મૂળ માલિકોને ચોરી કે ગુમ થયેલો મુદ્દામાલ પરત મળતા પોલીસની કામગીરીની પ્રશંસા કરવામાં આવી હતી.