વડોદરા: સાવલીના લસુન્દ્રા ગામે વિચિત્ર ઘટના

વડોદરાના સાવલીના લસુન્દ્રા ગામે વિચિત્ર ઘટના બની છે. જેમાં સળગતી હાલતમાં યુવકએ મહિલાને બાથ ભરી હતી અને મહિલા પણ ઈજાગ્રસ્ત થઈ છે. તો ઘટનામાં  યુવકનું સારવાર દરમિયાન મોત થયું છે. મૃતક વિજય ચૌહાણ સામે મહિલાએ ફરિયાદ નોંધાવી તો મૃતક સાથે પ્રેમ સંબંધ રાખવાની ના પડતા હત્યાના પ્રયાસનો આક્ષેપ કરવામાં આવ્યો છે. અગાઉ મહિલાને ધમકી આપ્યાનો પણ આક્ષેપ છે.

જાતે સળગીને મહિલાને સળગાવવાના પ્રયાસનો આક્ષેપ :

મૃતકના પરિવારજનોનો આક્ષેપ છે કે ચૂંટણીની અદાવતમાં કેટલાક લોકોએ યુવકને સળગાવી દીધો છે. સાવલી તાલુકાના લસુન્દ્રા ગામે 40 વર્ષીય પરણીત યુવકને જવલનશીલ પદાર્થ નાખીને સળગાવી દેતા ચકચાર મચી છે. ટૂંકી સારવાર બાદ કરુણ મૃત્યુ નીપજતા સમગ્ર ગામમાં ભયનો માહોલ ફેલાઈ ગયો છે. સાવલીના લસુન્દ્રા ગામે ઉદેસિંહ અભેસિંહ ચૌહાણ ઉર્ફે વિજય ઉમર આશરે 40 વર્ષ રીક્ષા ચલાવીને ગુજરાન ચલાવતો હતો.

યુવકને પેટ્રોલ છાંટીને સળગાવી દીધો !

તો સમગ્ર ઘટનામાં યુવકને પેટ્રોલ છાંટીને સળગાવી દીધો હોવાની વાત સામે આવી છે.  તો મહિલા પણ ઈજાગ્રસ્ત થતા તેને સારવાર હેઠળ વડોદરા ખસેડવામાં આવી છે.  તો મૃતકના પરિવારજનોનું કહેવું છે. કે યુવક જયારે ભાનમાં હતો તે સમયે તે થોડુ બોલતો હતો અને તેની સાથે કોણે આવું કર્યુ તે પણ તે કહી રહ્યો હતો. મંજુસર પોલીસે ઘટના સ્થળે જઈને વધુ તપાસ હાથધરી છે. આ ઘટનામાં ખરેખર યુવકને સળગાવી દેવામાં આવ્યો છે કે નહી તે દિશામાં તપાસ હાથધરી છે.