વડોદરાની એમ.એસ.યુનિ.ના વાઇસ ચાન્સેલરનું રાજીનામુ

વડોદરાની પ્રખ્યાત એમ.એસ.યુનિવર્સીટીના વાઇસ ચાન્સેલર વિજય કુમાર શ્રીવાસ્તવે આખરે રાજીનામુ આપ્યું છે. વિવાદીત વીસી વિજય કુમાર શ્રીવાસ્તવની લાયકાત અંગે યુનિવર્સીટીના પ્રોફેસરે ગુજરાત હાઇકોર્ટમાં પિટીશન ફાઇલ કરી હતી અને તેની સુનાવણી દરમિયાન વીસીએ રાજીનામુ આપ્યું હોવાની જાણ થઇ છે. કાર્યકાળ પહેલાં જ વીસી શ્રીવાસ્તવે રાજીનામુ આપી દીધું છે. 

એમ.એસ.યુનિ.ના વાઇસ ચાન્સેલર વિજય કુમાર શ્રીવાસ્તવનો કાર્યકાળ આમ તો ફેબ્રુઆરી 2025માં પૂર્ણ થવાનો હતો પણ તે પહેલાં જ તેમણે રાજીનામુ આપ્યું હતું. વીસીની લાયકાતની વિરોધમાં યુનિ.ના જ એક પ્રોફેસર સતિશ પાઠકે ગુજરાત હાઇકોર્ટમાં પિટીશન દાખલ કરવામાં આવી હતી.

આ વિવાદીત કેસની સુનાવણી દરમિયાન વીસીએ રાજીનામુ આપ્યું હોવાનું બહાર આવ્યું છે. ઘટનાના પગલે કહી ખુશી કહી ગમની લાગણી જોવા મળી રહી છે. વીસી પર જોહુકમીના આરોપો પણ લાગ્યા હતા. તેમના પર પ્રોફેસરોના પ્રમોશન અટકાવાનો પણ આરોપ લાગ્યો હતો.