Gondal માં વાતાવરણમાં પલટો, ગાજવીજ સાથે ધોધમાર વરસાદ, ખેડૂતો ચિંતિત

સવારથી અસહ્ય ગરમી અને બફારાથી તપી રહેલા ગોંડલ શહેરમાં બપોર બાદ વાતાવરણમાં નાટકીય પલટો આવ્યો હતો. આકાશમાં કાળા ડિબાંગ વાદળો છવાઈ ગયા અને ગાજવીજ તેમજ જોરદાર પવન સાથે ધોધમાર વરસાદ તૂટી પડ્યો હતો. 

ગોંડલમાં જળબંબાકારની સ્થિતિ...

ધોધમાર વરસાદને પગલે શહેરના રાજમાર્ગો પર વરસાદી પાણી ફરી વળ્યાં હતાં, જેના કારણે વાહનવ્યવહારને પણ અસર પહોંચી હતી. જોકે, આ કમોસમી વરસાદને કારણે વાતાવરણમાં તાત્કાલિક ઠંડક પ્રસરી જતાં શહેરીજનોને ગરમીથી રાહત મળી હતી.

ખેડૂતો પર માવઠાનો માર...

પરંતુ, ખેડૂતો માટે આ કમોસમી વરસાદ ચિંતાનો વિષય બન્યો છે. ખેતરોમાં ઊભા પાકને વ્યાપક નુકસાન થવાની ભીતિ સેવાઈ રહી છે. માવઠાના મારથી ખેડૂતોને મોટું આર્થિક નુકસાન થવાની શક્યતાઓ છે, જે તેમની મુશ્કેલીઓમાં વધારો કરી શકે છે. આ કુદરતી આફત સામે ખેડૂતોને યોગ્ય વળતર અને સહાય મળે તેવી અપેક્ષા રાખવામાં આવી રહી છે.