ઉમરગામમાં લોખંડનો શેડ તુટી પડ્યો, 9 કર્મચારી દબાયા અને 1નું મોત, 3 ગંભીર ઈજાગ્રસ્ત

ઉમરગામના GIDC વિસ્તારમાં આવેલી પ્લાસ્ટિક ઉત્પાદક કંપની જીબી પેક પ્રા. લિ.માં મંગળવારે સવારે ગંભીર દુર્ઘટના બની હતી. લોખંડનો શેડ અચાનક તૂટી પડતા 9 કામદારો કાટમાળ હેઠળ દબાઈ ગયા હતા. આ દુર્ઘટનામાં ભાવિન જોશી નામના એક કર્મચારીનું મૃત્યુ થયું હતું, જ્યારે 3 કર્મચારીઓને ગંભીર ઈજા અને 4ને સામાન્ય ઈજા થઈ હતી.

પ્રાથમિક માહિતી મુજબ, શેડ પર પ્લાસ્ટિકના દાણા ભરેલી ભારે બેગો રાખવામાં આવી હતી. ચોમાસામાં વરસાદ અને પવનના કારણે શેડ ભાંગી પડ્યું હોવાનું માનવામાં આવી રહ્યું છે. ફાયર વિભાગ અને પોલીસની ટીમે તાત્કાલિક ઘટનાસ્થળે પહોંચી બચાવ કામગીરી હાથ ધરી હતી. દબાયેલા તમામ લોકોને બહાર કાઢવામાં આવ્યા હતા.

ઘટનાને પગલે કંપની તરફથી ગંભીર બેદરકારી સામે આવી છે અને પોલીસે વધુ તપાસ શરૂ કરી છે.