રાજ્યમાં 26થી 29 ડિસેમ્બર સુધી આ વિસ્તારોમાં થશે કમોસમી વરસાદ

રાજ્યમાં એક તરફ કોલ્ડવેવ ફૂંકાઇ રહ્યો છે અને ઠંડીનું પ્રમાણ વધ્યું છે ત્યારે કમોસમી વરસાદની આગાહી કરવામાં આવી છે. આગામી 26થી 29 ડિસેમ્બર દરમિયાન રાજ્યમાં વિવિધ સ્થળોએ હળવાથી મધ્યમ વરસાદની આગાહી કરવામાં આવી છે. કમોસમી વરસાદથી ફરી એક વાર ઠંડીનું જોર વધશે.

રાજ્યમાં સૌરાષ્ટ્ર અને ઉત્તર તથા મધ્ય ગુજરાતમાં કમોસમી વરસાદ પડશે. રાજસ્થાન પર સર્જાયેલા અપર સાયક્લોનિક સર્ક્યું લેશનના પગલે હવામાન પલટાયું છે. છેલ્લા 2 દિવસથી રાજ્યમાં વાદળછાયુ વાતાવરણ જોવા મળ્યું છે અને સૂર્યનારાયણને જોવા તે દુર્લભ બન્યા છે ત્યારે કમોસમી વરસાદની આગાહીએ લોકોને થથરાવી દીધા છે. 

રાજ્યમાં નાતાલ પછી  26 ડિસેમ્બરે રાજ્યના મહીસાગર, પંચમહાલ, દાહોદ, ડાંગ, વલસાડ અને દાદરા અને નગર હવેલી, ભાવનગર, અમરેલી, ગીર સોમનાથ અને દીવમાં તથા કચ્છ, બનાસકાંઠા, સાબરકાંઠા, છોટાઉદેપુર, નર્મદા, સુરત, તાપી, નવસારી, અરવલ્લીમાં ગાજવીજ સાથે છૂટા છવાયા સ્થળોએ હળવાથી મધ્યમ કમોસમી વરસાદ (Unseasonal rain) પડવાની સંભાવના છે. આ ઉપરાંત  27 ડિસેમ્બરે પણ રાજ્યના પંચમહાલ, દાહોદ, છોટાઉદેપુર, નર્મદા, સુરત, તાપી, બનાસકાંઠામાં અને કચ્છ, મહીસાગર, સાબરકાંઠા, અરવલ્લી, નવસારી, ડાંગ, વલસાડ અને દાદરા અને નગર હવેલી, ભાવનગર, અમરેલી, ગીર સોમનાથ અને દીવમાં ગાજવીજ સાથે છૂટા છવાયા સ્થળોએ હળવાથી મધ્યમ કમોસમી વરસાદ પડવાની સંભાવના છે.