Surat માં ધોધમાર વરસાદ, પ્રિ-મોન્સૂન કામગીરીની પોલ ખૂલી, અનેક વિસ્તારો જળબંબાકાર!

સુરત (Surat) શહેરમાં મોડી રાતથી વરસી રહેલા ધોધમાર વરસાદને કારણે જનજીવન અસ્તવ્યસ્ત થઈ ગયું છે. શહેરના અનેક વિસ્તારોમાં ઠેર-ઠેર પાણી ભરાઈ ગયા છે, જેના કારણે સુરત (Surat) મહાનગરપાલિકાની પ્રિ-મોન્સૂન કામગીરીના દાવાઓ પોકળ સાબિત થયા છે. દર વર્ષની જેમ આ વર્ષે પણ સામાન્ય વરસાદમાં જ શહેરના નીચાણવાળા વિસ્તારો જળબંબાકાર બની ગયા છે, અને વાહનચાલકો તેમજ રાહદારીઓને ભારે હાલાકીનો સામનો કરવો પડી રહ્યો છે.

પુણા અને વેડરોડ વિસ્તારોમાં ઘૂંટણસમા પાણી...

સુરત (Surat)માં વરસાદની સૌથી વધુ અસર પુણા વિસ્તારની અર્ચના સ્કૂલ નજીક જોવા મળી છે, જ્યાં ઘૂંટણસમા પાણી ભરાઈ ગયા છે. આ જ રીતે, વેડરોડ ગુરુકુલ પાસે પણ રોડ પર ઘૂંટણસમા પાણી ભરાવાના બનાવો બન્યા છે. પાણી ભરાવવાના કારણે અનેક વાહનો રસ્તા વચ્ચે જ બંધ પડી ગયા હતા, જેનાથી ટ્રાફિક જામની સ્થિતિ સર્જાઈ હતી અને વાહનચાલકોને પારાવાર મુશ્કેલી વેઠવી પડી હતી. મોડી રાતથી પડેલા વરસાદને કારણે ઉધના વિસ્તારમાં પણ પાણી ભરાયા હોવાના અહેવાલો મળ્યા છે.

મહાનગરપાલિકાની પ્રિ-મોન્સૂન કામગીરી પર સવાલ...

સુરત (Surat) મહાનગરપાલિકા દર વર્ષે ચોમાસા પહેલા શહેરમાં પાણી ભરાવાની સમસ્યા નિવારવા માટે "પ્રિ-મોન્સૂન કામગીરી"ના મોટા દાવા કરતી હોય છે. જોકે, આ પ્રથમ વરસાદમાં જ શહેરના મુખ્ય વિસ્તારોમાં પાણી ભરાઈ જવાથી આ દાવાઓની પોલ ખુલી ગઈ છે. શહેરની ડ્રેનેજ સિસ્ટમ અને સ્ટ્રોમ વોટર લાઇન્સની સફાઈ યોગ્ય રીતે ન થઈ હોવાના કારણે જ આ સમસ્યા યથાવત રહી હોવાનું સ્પષ્ટપણે જણાઈ રહ્યું છે.

આ પણ વાંચો : Ahmedabad Plane Crash : 251 મૃતદેહોના DNA મેચ, 8ના સેમ્પલ રિપીટ થશે, ઓળખ પ્રક્રિયા ચાલુ

શહેરના નાગરિકોમાં મહાનગરપાલિકાની કામગીરી સામે ભારે રોષ જોવા મળી રહ્યો છે. લોકો માંગ કરી રહ્યા છે કે, તંત્ર દ્વારા માત્ર કાગળ પર નહીં, પરંતુ વાસ્તવિકતામાં પાણીના નિકાલની યોગ્ય વ્યવસ્થા કરવામાં આવે, જેથી દર ચોમાસે આવી હાલાકીનો સામનો ન કરવો પડે.

આ પણ વાંચો : રાજ્યના 12 જિલ્લાઓમાં ભારે વરસાદનું ઓરેન્જ એલર્ટ, 25 જૂને અતિ ભારે વરસાદની આગાહી