રાજ્યના 12 જિલ્લાઓમાં ભારે વરસાદનું ઓરેન્જ એલર્ટ, 25 જૂને અતિ ભારે વરસાદની આગાહી

ગુજરાત રાજ્યમાં આજે વ્યાપક રીતે વરસાદની આગાહી છે. ખાસ કરીને અમરેલી, ભાવનગર અને બોટાદ સહિત કુલ 12 જિલ્લામાં ભારે વરસાદની શક્યતા વ્યક્ત કરવામાં આવી છે, તે જિલ્લાઓમાં હવામાન વિભાગે ઓરેન્જ એલર્ટ જાહેર કર્યું છે.

24 જૂનની આગાહી

24 જૂને રાજ્યના ઘણા વિસ્તારોમાં વરસાદ વરસવાની શકયતા છે. જેમાં અરવલ્લી, મહીસાગર, આણંદ, પંચમહાલ, દાહોદ, વડોદરા, ભરૂચ, નવસારી, વલસાડ, બનાસકાંઠા, સાબરકાંઠા, મહેસાણા, ગાંધીનગર, અમદાવાદ, ખેડા, છોટાઉદેપુર, નર્મદા, સુરત, ડાંગ, તાપી, સુરેન્દ્રનગર, રાજકોટ, જૂનાગઢ અને ગીર સોમનાથ જિલ્લામાં વરસાદની આગાહી છે.

25 જૂનની આગાહી

25 જૂનના રોજ અરવલ્લી, મહીસાગર, દાહોદ, પંચમહાલ, છોટાઉદેપુર, નવસારી, વલસાડ, ભાવનગર અને અમરેલી જિલ્લામાં ઓરેન્જ એલર્ટ જાહેર કરાયું છે અને અતિ ભારે વરસાદ પડી શકે છે. અન્ય ઘણા જિલ્લાઓમાં પણ ભારે વરસાદની શક્યતા છે, જેમ કે પોરબંદર, જૂનાગઢ, ગીર સોમનાથ, બોટાદ, આણંદ, અમદાવાદ, ગાંધીનગર, ખેડા, સાબરકાંઠા, વડોદરા, સુરત, તાપી, ડાંગ, નર્મદા અને ભરૂચ.

જૂનાગઢમાં ધોધમાર વરસાદ

જૂનાગઢ જિલ્લાના ગિરનાર પર્વત પર આજે ધોધમાર વરસાદ શરૂ હતો. ભારે વરસાદના કારણે દામોદર કુંડમાં નવા પાણીની આવક નોંધાઈ છે. રાજ્યમાં ચોમાસું પ્રવેશ્યા બાદ માત્ર 8 દિવસમાં આખું ગુજરાત વરસાદથી ઘેરાઈ ગયું છે અને ચોમાસું સમગ્ર રાજ્યમાં સક્રિય થઈ ચૂક્યું છે.