સુરત પાલિકામાં માથાભારે તત્વોનો ત્રાસ દિવસેને દિવસે વધતો જોવા મળી રહ્યો છે. સુરતના ઉઘના ઝોનમાં પાંડેસરા વિસ્તારમાં સરકારી જગ્યા પર ન્યુસન્સ રીતે બનેલા દબાણ હટાવવા માટે પાલિકાની ટીમ ઘટના સ્થળે ગઈ હતી. ત્યાર બાદ માથાભારે તત્વોએ પાલિકાની ટીમને ઘેરી લીધા હતા. અને તેમની ટીમ પર હુમલો પણ કરવામાં આવ્યો હતો. પાલિકા તંત્ર અને દબાણ કરનારા વચ્ચે ઝપાઝપી થઈ હતી. જોકે સ્થિતિ વધારે ન બગડે તે પહેલા પોલીસ બોલાવવામાં આવી હતી. પોલીસ બંદોબસ્ત વચ્ચે દબાણ દુર કરવામાં આવી હતી.
સુરત પાલિકાના ઉઘના ઝોનમાં પાંડેસરા ડી માર્ટ પાસે સરકારી જમીન આવેલી છે. કેટલાક માથાભારે તત્વોએ આ સરકારી જગ્યામાં લારી ગલ્લાના દબાણ કરીને રાખ્યા હતા. જગ્યાની આસપાસના લોકો અને વાહન ચાલકો માટે આ દબાણ ન્યુસન્સ સમાન બની ગયા હતા. આ અંગેની અનેક ફરિયાદ આવ્યા બાદ પાલિકા તંત્ર દ્વારા આજે દબાણ દુર કરવાની કામગીરી હાથ ધરી હતી. પાલિકા ટીમ ઘટનાસ્થળ પર પહોચી ત્યાર બાદ માથા ભારે તત્વો દબાણ કરનારાઓ ભેગા થઈ ગયા હતા. પાલિકાની કામગીરીનો વિરોધ પણ કર્યો હતો. પાલિકા તંત્રની ટીમ દબાણ હટાવાની કામગીરી શરુ કરે તે પહેલા મોટું ટોળું ભેગું થઈ ગયું હતું. અને ટીમને ઘેરી લીધું હતું. &nbsp;
માથાભારે તત્વોએ દબાણ દુર કરવા આવેલા પાલિકાની ટીમને ધક્કો માર્યો હતો. ત્યાર બાદ વિરોઘ હોવા છતાં પાલિકા ટીમે લારી ઉચકવાની શરૂ કરી દીધી હતી. ત્યાર બાદ મહિલાઓ સહીત કેટલાક પુરુષોએ પાલિકાની ટીમ સાથે ધક્કામુક્કી કર્યા બાદ મારામારી શરૂ કરી દીધી હતી. જાહેર રસ્તા પર પાલિકાની ટીમ છુટાહાથની મારામારી કરતા જોવા મળ્યા હતા. સ્થિતિ વધારે ખરાબ થાય તે પહેલા પોલીસને જાણ કરીને ઘટના સ્થળે બોલાવી હતી. અને મામલો ઠાળે પડ્યો હતો.&nbsp;
&nbsp;

લારી ગલ્લા હટાવા મુદ્દે ઘર્ષણ

સુરતમાં માથાભારે તત્વોનો ત્રાસ દિવસેને દિવસે વધતો જોવા મળી રહ્યો છે

July 29, 2025 | 19:13 IST