સ્કૂલો ચોક્કસ જગ્યાએથી યુનિફોર્મ અને સ્ટેશનરી ખરીદવા નહીં કરી શકે દબાણ

અમદાવાદ શહેરના જિલ્લા શિક્ષણ અધિકારી રોહિત ચૌધરી દ્વારા તમામ સ્કૂલોને આદેશ આપવામાં આવ્યો છે કે, કોઈપણ સ્કૂલ વિદ્યાર્થીઓને ચોક્કસ દુકાનમાંથી યુનિફોર્મ કે સ્ટેશનરી ખરીદવા માટે દબાણ કરી શકશે નહિ. સ્કૂલ માત્ર લિસ્ટ આપી શકે છે - ખરીદી ક્યાંથી કરવી તે વાલીઓ અને વિદ્યાર્થીઓનો નિર્ણય રહેશે.

દંડની જોગવાઈ

જો સ્કૂલો આ નિયમનું ઉલ્લંઘન કરશે તો પહેલા પગલે રૂપિયા 10,000નો દંડ, બીજી ફરિયાદમાં રૂપિયા 25,000 અને વધુમાં વધુ રૂપિયા 1 લાખ સુધીનો દંડ કરવામાં આવશે.

ફરિયાદ માટે હેલ્પલાઇન

વિદ્યાર્થી કે વાલી સારથી હેલ્પલાઇન નં. 9909922648 પર પોતાની ફરિયાદ નોંધાવી શકે છે. ઉલ્લેખનીય છે કે, રાજકોટની 25 સ્કૂલોને પણ સ્ટેશનરી/યુનિફોર્મ ખરીદીમાં દબાણ, ફાયર સેફ્ટીનો અભાવ અને રજાના દિવસે શિક્ષણ ચાલુ રાખવા બદલ નોટિસ આપવામાં આવી છે.