Sabarkantha: પશુપાલકોનો ઘેરાવ પોલીસનો લાઠીચાર્જ અને ટીયરગેસ!

બરોડા ડેરી, દૂધસાગર ડેરી, સુમુલ ડેરી બાદ હવે સાબર ડેરીમાં ડખો થયો છે, સાબરકાંઠામાં પશુપાલકોના ટોળામાંથી પોલીસના વોટર બ્રાઉઝરમાં પથ્થર મારો કરી કાચ ફોડ્યા હતા. કેટલાક અસામાજિક તત્વોએ પથ્થરમારો કરતા ટીયર ગેસના સેલ છોડ્યા હતા. ત્યાર બાદ પોલીસ આક્રમક બની જતા ઉશ્કેરતા શખ્શોને વિખેરવા ટીયરગેસના સેલ છોડવામાં આવ્યા હતા. પશુપાલકોએ સાબર ડેરીના ગેટને નુકસાન પહોચાડ્યું હતું.

પશુપાલકોએ ગેટના ઉપરના ભાગ તોડી સાબર ડેરીમાં જવાનો પ્રયાસ કર્યો હતો. પશુપાલકોનું કહેવું છે,કે અમારા હક માટે અમે અહિયાં રજુઆત કરવા માટે આવ્યા છીએ અને ગેટની બહાર અમને અટકાવ્યા હતા. ત્યાર બાદ સાબર ડેરીમાં પ્રવેશ ન આપતા પશુપાલકોએ આક્રમકતા અપનાવી હતી.

ટોળાને ઉશ્કેરતા શખ્સો પર પોલીસે  લાઠીચાર્જ કર્યો હતો. કેટલાક શખ્સો પર પોલીસે લાઠીઓ વરસાવી હતી.ત્યારે ડીવાએસપી, 4 પીઆઈ અને 8 પીએસઆઈ સહિત કુલ 80 જેટલા પોલીસકર્મીઓનો કાફલો સ્થિતિને સંભાળવા ત્યાં આવી પહોંચ્યો હતો. આ પથ્થરમારામાં એક વ્યક્તિને ઈજા પહોચી હતી.

અપક્ષ ધારાસભ્ય ધવલસિંહ ઝાલા પશુપાલકોના સમર્થન માટે પહોચ્યા હતા.ધારાસભ્ય ધવલસિંહ ઝાલા અગાઉ સોશિયલ મીડિયા મારફતે પશુપાલકોને સમર્થન જાહેર કર્યું હતું. સાબરડેરીની બહાર રસ્તા પર પશુપાલકો પહોચ્યા હતા. હિંમતનગર - તાલોદ સ્ટેટ હાઈવે પર વાહનો રોકીને ચક્કાજામ કરવાનો પ્રયાસ કર્યો હતો. સાબરડેરી સામે દેખાવો કરી ભાવફેર સામે વિરોધ કરવામાં આવ્યો હતો.