ગાંધીનગરમાં શિક્ષક ભરતીને લઇને ટેટ અને ટાટ 1ના પાસ ઉમેદવારોનું વિરોધ પ્રદર્શન

ગાંધીનગરમાં શિક્ષક ભરતીને લઇને ટેટ અને ટાટ 1ના પાસ ઉમેદવારોનું વિરોધ પ્રદર્શન યોજાયું છે જેમાં હજારો ઉમેદવારો જોડાયા છે. ઉમેદવારોએ સુત્રોચ્ચાર કરીને વાતાવરણ ગજવી દીધું છે.

રાજ્યના પાટનગર ગાંધીનગર આજે શિક્ષકની ભરતીની માગ સાથે છાવણીમાં ફેરવાયું હતું. શિક્ષક ભરતીને લઈ ટેટ અને ટાટ 1 પાસ ઉમેદવારોમાં ભારે નારાજગી જોવા મળી રહી છે. ગાંધીનગરની  સત્યાગ્રહ છાવણી ખાતે  ટેટ ટાટ 1 પાસ ઉમેદવારોએ ઉગ્ર વિરોધ પ્રદર્શન કર્યું હતું અને સુત્રોત્તાર કર્યા હતા.

ખાસ કરીને   ધોરણ 1 થી 5 માં ભરતીને લઇ પીટીસી ઉમેદવારો એકત્ર થયા હતા અને શિક્ષક ભરતી અંતર્ગત ધોરણ 1 થી 5 ના શિક્ષકોની ભરતી વધારવા માગ કરી હતી. ઉમેદવારોએ 2011 થી 2023 સુધી ધોરણ 1 થી 5ના શિક્ષકોની 7500 ની ભરતી થઇ હોવાનો  જ્યારે ધોરણ 6 થી 8માં 45 હજારની ભરતી કરી હોવાનો દાવો કર્યો હતો.

ઉમેદવારોએ કહ્યું કે  ધોરણ 1 થી 5 માં 16 હજારથી પણ વધારે જગ્યા ખાલી હોવા છતાં 5 હજારની ભરતી કરવા સામે સવાલ ઉઠાવ્યા હતા અને ભરતની માગ કરી હતી.