Bhuj : PM મોદીની ગર્જના, 'ભારત પર આંખ ઊઠાવનારોને બક્ષવામાં નહીં આવે', પાક.ને કડક ચેતવણી!

PM નરેન્દ્ર મોદી ગુજરાતના ભુજ (Bhuj) પહોંચ્યા, જ્યાં તેમનું ભવ્ય સ્વાગત કરવામાં આવ્યું. મંચ પર ભુજ (Bhuj)ની અસંખ્ય વડીલ મહિલાઓએ તેમને આશીર્વાદ આપ્યા, અને PM એ માથું ઝુકાવીને આશીર્વાદ ઝીલ્યા. PM મોદીએ જણાવ્યું કે, કચ્છ સાથે તેમનો સંબંધ જૂનો છે. કચ્છના લોકો, તેમનો આત્મવિશ્વાસ અભાવો વચ્ચે પણ અડગ રહ્યો છે. આ લોકો હંમેશા તેમના જીવનને દિશા આપતા રહ્યા છે. જૂની પેઢીના લોકોને આ અંગે જાણ હશે, વર્તમાન પેઢીને કદાચ ખબર ન હોય, આજે અહીંનું જીવન ખૂબ સરળ બન્યું છે, પરંતુ પહેલાં પરિસ્થિતિઓ અલગ હતી.

કચ્છનો વિકાસ અને આત્મવિશ્વાસની ગાથા...

PM મોદીએ કહ્યું કે, સદીઓથી પાણી માટે તરસતા કચ્છ પર માઁ નર્મદાએ કૃપા કરી છે, અને તેમનું સૌભાગ્ય છે કે સૂકી ધરતી પર પાણી પહોંચાડવાના કાર્યમાં નિમિત્ત બનવાનો તેમને અવસર મળ્યો. તેમણે જણાવ્યું કે, જ્યારે અહીં ભૂકંપ આવ્યો, ત્યારે દુનિયાને લાગતું હતું કે હવે બધું જ સમાપ્ત થઈ ગયું છે, કશું શક્ય નથી. કચ્છ તે ભૂકંપમાં મૃત્યુની ચાદર ઓઢીને સૂતું હતું. પરંતુ તેમણે ક્યારેય પોતાનો વિશ્વાસ ગુમાવ્યો નહોતો. તેમને કચ્છી ખમીર પર વિશ્વાસ હતો. તેમને વિશ્વાસ હતો કે, કચ્છ આ સંકટને પરાજિત કરશે, તેમનું કચ્છ ફરી ઉભું થશે અને તમે બધાએ બરાબર તે જ કર્યું. આજે કચ્છ વેપાર, કારોબાર અને ટૂરિઝમનું મોટું કેન્દ્ર છે. આવનારા સમયમાં કચ્છની આ ભૂમિકા વધુ મોટી થવાની છે.

50 હજાર કરોડથી વધુના વિકાસ પ્રોજેક્ટ્સ...

તેમણે ઉમેર્યું કે, જ્યારે પણ હું કચ્છના વિકાસને ગતિ આપવા આવું છું, ત્યારે મને લાગે છે કે હું વધુ કંઈક કરીશ, કંઈક નવું કરીશ, અને કંઈક નવું કરીશ... મન ક્યારેય અટકવાનું નામ નથી લેતું. આજે અહીં વિકાસ સાથે જોડાયેલા 50 હજાર કરોડથી વધુના પ્રોજેક્ટ્સનો શિલાન્યાસ અને લોકાર્પણ થયું છે. એક સમય હતો જ્યારે આખા ગુજરાતમાં 50 હજાર કરોડની યોજના ભાગ્યે જ સાંભળવા મળતી હતી. આજે એક જિલ્લામાં 50 હજાર કરોડ રૂપિયાનું કામ થઈ રહ્યું છે. આપણું કચ્છ હરિત ઊર્જાનું વિશ્વનું સૌથી મોટું કેન્દ્ર બની રહ્યું છે. ગ્રીન હાઈડ્રોજન એક નવા પ્રકારનું ઇંધણ છે. આવનારા સમયમાં કાર, બસ, સ્ટ્રીટ લાઇટ્સ, આ બધું જ ગ્રીન હાઈડ્રોજનથી ચાલવાનું છે. કંડલા દેશના ત્રણ ગ્રીન હાઈડ્રોજન કેન્દ્રોમાંથી એક છે.

'ઝીરો ટોલરન્સ' નીતિ અને 'ઓપરેશન સિંદૂર'

PM મોદીએ આગળ જણાવ્યું કે, "અમારી સરકારનો પ્રયાસ છે કે તમને પૂરતી વીજળી પણ મળે અને વીજળીનું બિલ પણ શૂન્ય હોય. તેથી, અમે PM સૂર્ય ઘર મફત વીજળી યોજના શરૂ કરી છે. ગુજરાતના લાખો પરિવારો આ યોજના સાથે જોડાઈ પણ ચૂક્યા છે." તેમણે ભારપૂર્વક કહ્યું કે, "દેશના યુવાનોને વધુને વધુ રોજગાર મળે, એ ભાજપ સરકારની પ્રાથમિકતા છે. ટૂરિઝમ એક એવો સેક્ટર છે, જેમાં મોટી સંખ્યામાં રોજગાર છે. આવનારા સમયમાં અહીંના પર્યટનમાં વધુ વિસ્તરણ થશે. સી-ફૂડથી લઈને ટૂરિઝમ અને ટ્રેડ સુધી... દરિયાકાંઠાના પ્રદેશમાં દેશ એક નવી ઇકોસિસ્ટમનું નિર્માણ કરી રહ્યો છે. ભારત ટૂરિઝમ પર વિશ્વાસ કરે છે, ટૂરિઝમ લોકોને જોડે છે, પરંતુ પાકિસ્તાન જેવો દેશ પણ છે, જે ટેરરિઝમને જ ટૂરિઝમ માને છે અને આ દુનિયા માટે ખૂબ મોટો ખતરો છે."

PM એ નિર્ધારપૂર્વક જણાવ્યું કે, "અમારી નીતિ આતંકવાદ વિરુદ્ધ ઝીરો ટોલરન્સની છે. 'ઓપરેશન સિંદૂર' એ આ નીતિને વધુ સ્પષ્ટ કરી દીધી છે. જે પણ ભારતીયોનું લોહી વહેવડાવવાનો પ્રયાસ કરશે, તેને તેની ભાષામાં જ જવાબ આપવામાં આવશે. ભારત પર આંખ ઉઠાવનાર કોઈ પણ ભોગે બક્ષવામાં નહીં આવે." તેમણે ઉમેર્યું કે, "'ઓપરેશન સિંદૂર' માનવતાની રક્ષા અને આતંકવાદના અંતનું મિશન છે." PM એ આગળ કહ્યું કે, "છાતી તાણીને બિહારની જનસભામાં મેં ઘોષણા કરી હતી કે હું આતંકવાદના ઠેકાણાઓને માટીમાં ભેળવી દઈશ." તેમણે યાદ અપાવ્યું કે, "15 દિવસ સુધી અમે રાહ જોઈ કે પાકિસ્તાન આતંકવાદ વિરુદ્ધ કોઈ પગલું ભરશે, પરંતુ કદાચ આતંકવાદ જ તેમની રોજી-રોટી છે. જ્યારે તેણે કંઈ ન કર્યું, ત્યારે મેં ફરી દેશની સેનાને ખુલ્લી છૂટ આપી દીધી."