SURAT : ઢાંકણીમાં પાણી લઇને ડૂબી મરો....

સુરતમાં તાજેતરમાં પડેલા ભારે વરસાદ બાદ ખાડીમાં પૂર આવતા અનેક વિસ્તારો દિવસો સુધી જળબંબાકાર બની ગયા છે. લોકોના મકાનો, દુકાનો તથા વાહનો કેડ સમા પાણીમાં ગરકાવ થઇ ગયા છે. હજું પણ ઘણા વિસ્તારોમાં ખાડી પૂરના પાણી ઓસર્યા નથી. આજે જ્યારે સુરત મહાનગરપાલિકાની સામાન્ય સભા મળે તે પહેલા  NSUI અને કોંગ્રેસના કાર્યકર્તાઓએ મહાનગરપાલિકા કચેરી સમક્ષ વિરોધ પ્રદર્શનનું આયોજન કર્યું હતું. કાર્યકરોએ શાસકોને ઢાંકણીમાં પાણી લઇને ડૂબી મરો ના નારા સાથે વિરોધ દર્શાવ્યો હતો.  

કાર્યકરોએ પાલિકાના સત્તાધીશો અને હોદ્દેદારોને ઢાંકણીમાં પાણીમાં ડૂબી મરોના નારા લગાવી, ખાડીપૂર અને સિંધુ નદીના પાણી રોકવાની માંગ સાથે વિરોધ દર્શાવ્યો. તેઓએ જણાવ્યુ કે, સુરતમાં ખાડીપૂરની સમસ્યા હજુ પણ હલ થઈ નથી અને તેનો પ્રભાવ દરેક વિસ્તારમાં વધુ તીવ્ર બન્યો છે. સાથે જ, શાસકો વિસાવદરને પેરિસ જેવું બનાવાની વાતો કરે છે પણ ખાડી પૂરના પાણી તો રોકી શકતા નથી તેમ જણાવીને વિરોધ કર્યો હતો.  

 

પોલીસે આ પરિસ્થિતિને નિયંત્રિત કરવા માટે કાર્યવાહી કરતાં કાર્યકર્તાઓની અટકાયત કરી કાર્યવાહી હાથ ધરી હતી. 

ખાડી પૂરની સમસ્યા હજુ પણ સુરતના અનેક વિસ્તારોમાં પાણી ભરાવાના કારણ બની રહી છે, અને લોકો તેને લઈ ભારે ચિંતિત છે. આ મામલે સ સરકાર અને સ્થાનિક સત્તાધીશો પર દબાણ વધે તેવી સંભાવના છે.

આ પણ વાંચો---

Rajkot : 'વિકાસ'ના પોકળ દાવા, 4 દિવસમાં જ રોડ ધોવાયો – પ્રજાનો પરસેવો પાણીમાં!