તાપીમાં વીજકરંટ દુર્ઘટનામાં માતા-પુત્રીનું થયું કરુણ મૃત્યુ

તાપી જિલ્લાના વ્યારાના જેસિંગપુરા ગામમાંથી હૃદયદ્રાવક ઘટના સામે આવી છે. અહીં માતા કૈલાશબહેન ગામિત અને પુત્રી ધનગોરી ગામિતનું વીજકરંટ લાગવાથી ઘટનાસ્થળે જ મોત થયું હતું. બન્ને કપડા સૂકવવા ગયા હતા ત્યારે પાઇપ સાથે વીજ વાયરનો સંપર્ક થવાના કારણે આ દુર્ઘટના સર્જાઈ હતી.

શું હતી સમગ્ર ઘટના?

પ્રાથમિક માહિતી મુજબ, કપડાં સૂકવવાની પાઈપને વીજ વાયર સ્પર્શી ગયો હતો અને તેમાં કરંટ આવતા, બન્નેએ પાઇપને સ્પર્શ કરતાં જ  કરંટ લાગ્યો અને ઘટનાસ્થળે જ તેમનું મોત નીપજ્યું હતું. દુર્ઘટનાના શોકમાં આખું ગામ ડૂબી ગયું છે અને લોકો દુઃખી પરિવારને સાંત્વના આપવા માટે ઘેર પહોંચી રહ્યા છે.