મહેસાણા જિલ્લામાં હચમચાવી નાખે તેવી ઘટના સામે આવી છે. આ ઘટનાથી પરિવારજનો માટે ચેતવણી સમાન છે. મહેસાણાના કડીના કરણનગર રોડ પર આવેલ શુકન બંગ્લોઝ વિસ્તારમાં 7 વર્ષની બાળકી રમતા રમતા કબાટમાં પુરાઈ જતાં તેનું શ્વાસ રૂંધાઈ જતાં મોત થયું હતું.&nbsp;
અહેવાલો અનુસાર બાળકીની માતા ધાબું સાફ કરી રહી હતી ત્યારે બાળકી ઘરમાં રમતા રમતા કબાટની અંદર ચડી ગઈ હતી, અને કબાટનો દરવાજો બંધ થઈ ગયો હતો. દરવાજો ન ખૂલતાં બાળકી કબાટમાં ફસાઈ ગઈ હતી. ત્યાર બાદ થોડા સમય બાદ માતા ધાબા પરથી આવતા ઘરમાં દીકરીને શોધતા ન મળતા અને બૂમ પડતાં કોઈ અવાજ ન આવતા માતાની ચિંતા વધી ગઈ હતી. અને ત્યાર બાદ કબાટ ખોલતા દીકરી બેભાન&nbsp;હાલતમાં જોવા મળી હતી.&nbsp;
બાળકીને સારવાર હેઠળ હોસ્પિટલ ખસેડાયા :&nbsp;
પરિવાર તરફથી તાત્કાલિક બાળકીને હોસ્પિટલ ખસેડવામાં આવ્યું હતું. પરંતુ ડોકટર દ્વારા બાળકીને મૃત જાહેર કરવામાં આવ્યું હતું. તપાસ કરતાં&nbsp;કબાટમાં ઓક્સિજનના અભાવના કારણે બાળકીનું મોત થયું તે જાણવામાં આવ્યું છે. આ ઘટના બનતા પરિવારજનોમાં શોકની લાગણી પ્રસરી હતી. નાની ઉમરમાં બાળકીનું&nbsp;મોત થતાં પાડોસીઓ અને સગા સબંધિયોમાં આશ્ચર્ય છવાઈ ગયું હતું.&nbsp;
અગાઉ નાના બાળકની શ્વાસ રૂંધાઈ જવાની ઘટનાઓ :&nbsp;
2024ના નવેમ્બર મહિનામાં ગુજરાતના અમરેલી જિલ્લામાં 2 થી 7 વર્ષની વયના ચાર બાળકો અકસ્માતે કારમાં બંધ થઈ ગયા બાદ ગૂંગળામણથી મૃત્યુ પામ્યા હતા. ઉપરાંત 2020માં પણ મહેસાણા જિલ્લામાં 9 અને 10 વર્ષની વયના બે બાળકો સ્લાઇડિંગ કબાટમાં બંધ થઈ જવાથી મૃત્યુ પામ્યા હતા.

બાળકીનું કબાટમાં ગૂંગળામણથી મોત

રમતા રમતા કબાટમાં ફસાઈ બાળકી; શ્વાસ રૂંધાવાથી મોત

November 7, 2025 | 22:28 IST