ગુજરાતમાં મેઘમહેર: 24 કલાકમાં 101 તાલુકાઓમાં જળબંબાકાર!

રાજ્યમાં આજ સવારથી અત્યાર સુધીમાં 5 તાલુકાઓમાં મધ્યમથી ભારે વરસાદ નોધાયો જેમાં સૌથી વધારે વરસાદ વલસાડના ધરમપુરમાં 0.24 ઈંચ, વાપીમાં 0.08 ઈંચ, નવસારીના જલાલપોરમાં 0.04 ઈંચ, ગીર સોમનાથના કોડીનાર 0.16 ઈંચ, પાટણના સીધપુરમાં 0.04 ઈંચ વરસાદ નોધાયો હતો. સમગ્ર ગુજરાતમાં વરસાદ મનમૂકીને વરસ્યો. 

 

ગુજરાતમાં સાર્વત્રિક મેઘમહેર:

રાજ્યમાં છેલ્લા 24 કલાકમાં 101 તાલુકાઓમાં મેઘમહેર જોવા મળી. જેમાં સૌથી વધારે સાબરકાંઠાના તાલોદમાં 2.0 ઈંચ, કચ્છના માંડવીમાં 1.6 ઈંચ, અમદાવાદના ડોલકામાં 1.26 ઈંચ,ગાંધીનગરના માનસામાં 1.2 ઈંચ, અરવલ્લીના ભિલોડામાં 1.2 ઈંચ,તાપીના ડોલવાનમાં 1.14 ઈંચ,ભરૂચના હાંસોટમાં 1.06 ઈંચ, નર્મદાના ડેડીયાપાડામાં 0.98 ઈંચ વરસાદ ખાબક્યો હતો. આમ ગુજરાત રાજ્યના લગભગ બધા તાલુકાઓમાં મધ્યમથી ભારે વરસાદ જોવા મળ્યો હતો.