પોલીસ હેડક્વાર્ટર પાછળ ફેંકાયો મેડિકલ વેસ્ટનો ઢગલો, PPE કીટ અને એક્સપાયર દવાઓ મળી

સુરત શહેરમાં પોલીસ હેડક્વાર્ટર પાછળ મોટી માત્રામાં મેડિકલ વેસ્ટ ફેંકવામાં આવ્યો છે, જેને લઈને ચિંતાજનક સ્થિતિ સર્જાઈ છે. અજાણ્યા ઇસમો દ્વારા આ મેડિકલ વેસ્ટ જમીન પર લાવારીસ રીતે ફેંકી દેવાયો છે.

આ સ્થળે કોરોના મહામારી દરમિયાન ઉપયોગમાં લેવાતા PPE કીટ, ટ્રાન્સપેરન્ટ ફેસ શિલ્ડ તેમજ અન્ય રક્ષણાત્મક સામગ્રી જોવા મળી છે. મહત્વનું છે કે, આ બધું જ ખૂલ્લી જગ્યાએ લાવારીસ હાલતમાં પડ્યું હતું, જેના કારણે આરોગ્યનું ગંભીર જોખમ ઊભું થઈ શકે છે.

મેડિકલ વેસ્ટ સાથે સાથે મોટી સંખ્યામાં એક્સપાયર થયેલી દવાઓના પેકેટો પણ જોવા મળ્યા છે. હજુ સુધી આ કચરો કોણે અને ક્યારે અહીં નાખ્યો તેની વિગતો બહાર આવી નથી, જે હાલ પોલીસ માટે તપાસનો વિષય બની છે. આ સમગ્ર મામલો સામે આવ્યા બાદ સ્થાનિક તંત્ર અને આરોગ્ય વિભાગ પણ હરકતમાં આવ્યું છે.