સુરત જિલ્લાના મહુવા વિસ્તારમાં 'લવ જેહાદ'ની એક ઘટના સામે આવી છે, જેમાં એક યુવકે પોતાનું ધાર્મિક નામ અને ઓળખ છુપાવીને યુવતી સાથે 9 વર્ષ સુધી શારીરિક સંબંધ બાંધ્યા હતા.
મહુવાના રહેવાસી આરોપી ફૈયાઝ રફીક શેખે પોતાનું નામ 'જૈનિશ' તરીકે ખોટી રીતે રજૂ કર્યું હતું. લગ્નની લાલચ આપીને તેણે યુવતી સાથે અનેક વખત શરીર સંબંધ બાંધ્યા હતા, જેના પરિણામે યુવતી ગર્ભવતી બની હતી. આ ઘટનામાં શારીરિક શોષણની સાથે સાથે ધાર્મિક ઓળખ છુપાવવાનો ગંભીર આરોપ પણ લાગ્યો છે.
ગર્ભપાતની ધમકી&nbsp;
જ્યારે યુવતી ગર્ભવતી બની, ત્યારે આરોપી ફૈયાઝ શેખે યુવતીને ગર્ભપાત કરાવવા માટે દબાણ કર્યું હતું અને આ મામલે કોઈને પણ જાણ કરશે તો જાનથી મારી નાખવાની ધમકી પણ આપી હતી. આ ઉપરાંત, સમગ્ર ઘટનામાં અન્ય એક ધાર્મિક વ્યક્તિની ભૂમિકા પણ સામે આવી છે.
ફરિયાદી યુવતીના જણાવ્યા અનુસાર, આરોપી ફૈયાઝ તેને સરભોણ ગામના એક દાઢીવાળા મોલવી પાસે લઈ ગયો હતો, જ્યાં તેણે યુવતી સાથે ધાર્મિક રિવાજ મુજબ લગ્ન પણ કરાવ્યા હોવાનું બહાર આવ્યું છે. આ મામલે મોલવીની ભૂમિકા પણ તપાસનો વિષય બની છે.
આરોપી ફૈયાઝ શેખની ધરપકડ&nbsp;
યુવતીએ આખરે હિંમત કરીને સમગ્ર મામલે પોલીસ ફરિયાદ નોંધાવતા પોલીસે તાત્કાલિક કાર્યવાહી હાથ ધરી છે. પોલીસે ફરિયાદના આધારે મુખ્ય આરોપી ફૈયાઝ રફીક શેખની અટકાયત કરી પૂછપરછ શરૂ કરી છે.
આરોપી ફૈયાઝ શેખ મૂળ મહુવાનો રહેવાસી છે. પોલીસ હવે આરોપી દ્વારા કરવામાં આવેલા શારીરિક શોષણ, ખોટી ઓળખ રજૂ કરવી, લગ્નની લાલચ આપવી, ગર્ભપાત કરાવવા દબાણ કરવું અને ધમકી આપવી જેવી તમામ બાબતોની ગહન તપાસ કરી રહી છે. 
આ કેસમાં મદદગાર બનેલા દાઢીવાળા મોલવીની ભૂમિકા અંગે પણ પોલીસ તપાસનો ધમધમાટ શરૂ થયો છે. આ ઘટનાથી સુરત પંથકમાં સનસનાટી મચી ગઈ છે.

ફૈયાઝ શેખે 'જૈનિશ' બની યુવતીને ગર્ભવતી બનાવી

મહુવાના ફૈયાઝ શેખે 'જૈનિશ' બની યુવતીને ગર્ભવતી બનાવી; પછી યુવતીને ગર્ભપાતની ધમકી

November 19, 2025 | 15:28 IST