રાજકોટ શહેરમાં બે દિવસ અગાઉ પાણીપૂરી ખાવા જતી મહિલાના શંકાસ્પદ મોતના સમાચાર આવ્યા હતા. પરિણીત મહિલાને માથા પર ઘા મારી મોતને ઘાટ ઉતારી દેવામાં આવી હતી. શરૂઆતમાં અજાણ્યા શખ્સ દ્વારા હત્યા થઈ હોવાની આશંકા વચ્ચે પોલીસે તપાસનો ધમધમાટ શરૂ કર્યો હતો. હાલ પોલીસ તપાસમાં એક મોટો અને ચોંકાવનારો ખુલાસો થયો છે.&nbsp;
પોલીસે પરિણીત મહિલાના મોતનો ભેદ ઉકેલી નાખ્યો છે અને જાણવા મળ્યું છે કે મૃતક મહિલાની હત્યા કોઈ પારકાએ નહીં, પરંતુ તેના પોતાના પતિએ જ ક્રોધાવેશમાં આવીને કરી હતી. પોલીસે આરોપી પતિની ધરપકડ કરી કાયદેસરની કાર્યવાહી શરૂ કરી છે.
શંકા અને ઝઘડાથી કંટાળીને પગલું લીધું
પોલીસ દ્વારા આરોપી પતિની કડક પૂછપરછ કરતા આ સમગ્ર ઘટનાનો ભેદ ખૂલી ગયો છે. પતિએ પોલીસ સમક્ષ કબૂલાત કરી કે, તેની પત્ની છેલ્લા દોઢ વર્ષથી સતત તેના પર અવારનવાર શંકા કરતી હતી અને આ બાબતે રોજબરોજ ઘરમાં ઝઘડા થતા હતા. સતત ચાલતી આ માથાકૂટ અને કૌટુંબિક કંકાસથી કંટાળીને આખરે તેણે ક્રોધાવેશમાં આવીને પત્નીને મોતને ઘાટ ઉતારવાનો નિર્ણય લીધો હતો.
સળિયા વડે હુમલો
હત્યાની મોડસ ઓપરેન્ડી અંગે વિગતો આપતા પોલીસે જણાવ્યું કે, પતિએ હત્યાના દિવસે પત્નીને "વિધિ કરવા જવાનું છે" તેમ કહીને ઘરેથી શાંત સ્થળે બોલાવી હતી. ત્યાં લઈ જઈને તેણે પત્નીના દાગીના ઉતરાવ્યા હતા. ત્યારબાદ પતિએ ચાર ફૂટનો લોખંડનો સળિયો લઈને પત્નીના માથા અને મોઢાના ભાગે ગંભીર ઘા કર્યા હતા, જેના કારણે તેનું મૃત્યુ થયું હતું.
હત્યા કર્યા બાદ પતિએ પોલીસને ગેરમાર્ગે દોરવા માટે જુઠ્ઠું જણાવ્યું હતું કે તેની પત્ની પાણીપુરી ખાવા ગઈ હતી અને પરત ફરી નથી. જોકે, પોલીસ તપાસ દરમિયાન સ્કૂટી અને તેના કપડાં પર લાગેલા લોહીના ડાઘા શંકાસ્પદ જણાતાં પોલીસે પતિની કડક પૂછપરછ કરી હતી.&nbsp;
આ કડકાઈને કારણે આખરે પતિએ ગુનો કબૂલી લીધો હતો. પોલીસે હવે આરોપી પતિને કસ્ટડીમાં લઈ હત્યા પાછળના અન્ય કોઈ પાસાઓ છે કે કેમ તે દિશામાં વધુ તપાસ શરૂ કરી છે.
ઘટનાની સમગ્ર વિગત અહીં વાંચો:&nbsp;<a href="https://www.benefitnews24.com/gujarati/crime/rajkot-brutal-murder-of-a-married-woman/23027">https://www.benefitnews24.com/gujarati/crime/rajkot-brutal-murder-of-a-married-woman/23027</a>&nbsp;
&nbsp;

પોલીસને ગેરમાર્ગે દોરવાનો પતિનો નિષ્ફળ પ્રયાસ

પત્નીની હત્યા કર્યા બાદ પતિનું ષડયંત્ર નિષ્ફળ થયું, હત્યાનો ભેદ ઉકેલી પોલીસે ઘરપકડ કરી.

November 25, 2025 | 13:04 IST