ગુજરાતમાં વરસાદી આગાહીનું એલર્ટ, અનેક જિલ્લાઓમાં ભારેથી અતિભારે વરસાદનું એલર્ટ

હવામાન વિભાગે જણાવ્યું છે કે, ગુજરાત રાજ્યમાં આજે ભારેથી અતિભારે વરસાદની શક્યતા છે. ખાસ કરીને બનાસકાંઠા, સાબરકાંઠા, અરવલ્લી, મહીસાગર, દાહોદ અને ગાંધીનગર જિલ્લામાં ભારે વરસાદ પડશે. આગામી 7 દિવસમાં રાજ્યના વિવિધ ભાગોમાં સાર્વત્રિક વરસાદ જોવા મળી શકે છે. આ કારણે માછીમારોને દરિયો ન ખેડવા માટે ચેતવણી આપવામાં આવી છે.

રાજ્યના અનેક જિલ્લાઓમાં વરસાદની આગાહી

હવામાન વિભાગે નવસારી, વલસાડ, તાપી, ડાંગ, અમરેલી, ભાવનગર, અમદાવાદ, પાટણ, મહેસાણા, ખેડા, આણંદ, પંચમહાલ, વડોદરા, છોટાઉદેપુર, સુરત, ભરૂચ અને નર્મદા સહિતના વિસ્તારોમાં ભારે વરસાદની આગાહી કરી છે. અમદાવાદના કેટલાક વિસ્તારમાં પણ ભારે વરસાદનો અંદાજ આપવામાં આવ્યો છે.

જળાશયોની સ્થિતિ અને રાહત ટીમો તૈનાત

રાજ્યના કુલ 206 જળાશયો પૈકી 21 જળાશયો હાઇએલર્ટ પર છે. 12 જળાશયો એલર્ટ પર છે અને 19 જળાશયો વોર્નિંગ લેવલ પર છે. વરસાદથી પેદા થઈ શકે તેવી કટોકટીના સંજોગોનો સામનો કરવા માટે  32 NDRF અને SDRF ટીમો વિવિધ જિલ્લાઓમાં તૈનાત કરવામાં આવી છે. આ ઉપરાંત 2 ટીમોને સ્ટેન્ડબાય પર રાખવામાં આવી છે.