બોગસ આયુષ્યમાન કાર્ડના કેસમાં આરોગ્ય વિભાગનો કર્મચારી ઝડપાયો

રાજ્યના ચકચારી બોગસ આયુષ્યમાન કાર્ડના કેસમાં આરોગ્ય વિભાગના કર્મચારીની પણ સંડોવણી જણાતા ખળભળાટ મચી ગયો છે. ગાંધીનગરનો આરોગ્ય વિભાગનો કર્મચારી બોગસ આયુષ્યમાન કૌંભાડમાં ઝપાયો છે. મિલાપ પટેલ નામનો આ કોન્ટ્રાક્ટ પરનો કર્મચારી પોલીસના સકંજામાં આવ્યો છે. પોલીસ તપાસમા બહાર આવ્યું છે કે મિલાપ પટેલે લાખોની સંખ્યામાં બોગસ આયુષ્યમાન કાર્ડ એપ્રુવ કર્યા હતા.

બોગસ આયુષ્યમાન કાર્ડ કૌંભાડમાં અમદાવાદ ક્રાઈમ બ્રાન્ચ તપાસ કરી રહી છે. ખ્યાતિ હોસ્પિટલ કેસમાં ચાલી રહેલી તપાસમાં પીએમ જેવાય યોજનાના કાર્ડમાં પણ કૌંભાડ થયું હોવાની ચોંકાવનારી માહિતી બાર આવી હતી અને ખ્યાતિ હોસ્પટલના સીઇઓ ચિરાગ રાજપૂતની પૂછપરછમાં સમગ્ર કૌંભાડનો પર્દાફાશ થયો હતો.

પોલીસ સુત્રોએ કહ્યું કે આ કેસમાં આરોગ્ય વિભાગના કર્મચારી મિલાપ પટેલની ધરપકડ કરાઇ છે. 10 દિવસ પહેલાં ખોટી રીતે આયુષ્યમાન કાર્ડ કાઢી આપતી પકડાયેલી ગેંગ સાથે મિલાપ પટેલ સંડોવાયેલો હોવાનું પ્રાથમિક તપાસમાં બહાર આવ્યું છે. સુત્રોએ કહ્યું કે  અન્ય બે કર્મચારીની પૂછતાછ ચાલુ  હોવાથી ગમે ત્યારે બંનેની ધરપકડ થઈ શકે છે. 

તપાસમાં બહાર આવ્યું હતું કે મિલાપ પટેલ કોન્ટ્રાક્ટ પર આરોગ્ય વિભાગમાં વર્ષ 2017થી નોકરી કરતો હતો. મિલાપ પટેલને પીએમજેએવાય યોજનામાં પ્રોજેકટ મેનેજર તરીકે કામગીરી સોંપાઈ હતી. મિલાપ પટેલ આયુષ્યમાન કાર્ડ એપ્રુવ કરવાનું કામ કરતો

આરોગ્ય વિભાગમાં આયુષ્યમાન કાર્ડ ખોટી રીતે કાઢી આપવાનું કામ  કોન્ટ્રાક્ટ કર્મચારીઓ કરતા હતા. કોન્ટ્રાકટ કર્મચારીઓ સાથે હેલ્થ ડિપાર્ટમેન્ટના કાયમી કર્મચારીઓ સાથે ગોઠવણ હોવાની આશંકા પણ સેવાઇ રહી છે.

ચોંકાવનારી વાત તો એ છે કે  માત્ર 1500 રૂપિયામાં બોગસ PMJAY કાર્ડ બનાવવામાં આવતું હતું. આરોપીઓ સરકારી પોર્ટલમાં ચેડાં કરી આ કૌભાંડ આચરતા હતા.આ કૌભાંડ બાબતે અત્યાર સુધી 10 લોકો સામે ગુનો નોંધવામાં આવ્યો છે.  આરોપીઓ મહિને 40 થી 50 હજાર રૂપિયા જેટલું કમાતા હતા