છેલ્લા 24 કલાકમાં 81 તાલુકામાં વરસ્યો વરસાદ, આગામી 5 દિવસ ભારે વરસાદની આગાહી

રાજ્યમાં છેલ્લા 3થી 4 દિવસથી હવામાનમાં ફેરફાર જોઈને ચોમાસાની ઋતુનો પૂરતો પ્રારંભ થયો હોય એવું લાગી રહ્યું છે. તાપમાન ઘટ્યું છે અને આજે તારીખ 21 જૂન, સવારે 6:00 વાગ્યા સુધી રાજ્યના કુલ 81 તાલુકામાં વરસાદ નોંધાયો છે.

સૌથી વધુ વરસાદ પંચમહાલ જિલ્લાના જાંબુઘોડામાં 8 ઈંચ પડ્યો છે, જ્યારે છોટાઉદેપુરના પાવી જેતપુરમાં 5 ઈંચ, આણંદના પેટલાદમાં 3.5 ઈંચ, હાલોલમાં 2.7 ઈંચ, વલસાડના કપરાડામાં 3.0 ઈંચ અને આણંદના તારાપુરમાં પણ 2.7 ઈંચથી વધુ વરસાદ થયો છે.

અન્ય વિસ્તારો જેવા કે, આણંદ શહેરમાં 2 ઈંચ, બોરસદમાં 2.5 ઈંચ, જઘડિયામાં 2.4 ઈંચ વરસાદ નોંધાયો છે. 9 તાલુકામાં 1 ઈંચથી વધુ અને 51 તાલુકામાં 1 ઈંચથી ઓછો વરસાદ નોંધાયો છે.

આગામી 5 દિવસ હવામાન વિભાગની આગાહી

21 જૂનના રોજ કચ્છ, પાટણ, બનાસકાંઠા, સાબરકાંઠા, તાપી, ડાંગ, નવસારી અને વલસાડ જિલ્લામાં ગાજવીજ સાથે વરસાદ માટે યલો એલર્ટ જાહેર કરવામાં આવ્યું છે. 22 જૂનના દિવસે નવસારી, વલસાડ, બનાસકાંઠા અને સાબરકાંઠા માટે ઓરેન્જ એલર્ટ અને કચ્છ સહિત કુલ 15 જિલ્લાઓ માટે યેલો એલર્ટ  યલો એલર્ટ જાહેર કરવામાં આવ્યું છે.

23 જૂનના દિવસે સાબરકાંઠા, મહેસાણા, અમરેલી, ભાવનગર, નવસારી, વલસાડ માટે ઓરેન્જ એલર્ટ અને અન્ય 15 જિલ્લાઓમાં યેલો એલર્ટ જાહેર કરવામાં આવ્યું છે.

24 જૂનના દિવસે 7 જિલ્લામાં ઓરેન્જ એલર્ટ જાહેર કરવામાં આવ્યું હતું. જેમાં બનાસકાંઠા, મહેસાણા, સાબરકાંઠા, અમરેલી, ભાવનગર, નવસારી અને વલસાડનો સમાવેશ થાય છે. 17થી વધુ જિલ્લાઓમાં યલો એલર્ટ પણ જાહેર કરવામાં આવ્યું છે.

25 જૂન જૂનના દિવસે નવસારી, વલસાડ અને દેવભૂમિ દ્વારકા માટે ઓરેન્જ એલર્ટ જાહેર કરવામાં આવ્યું છે તથા કચ્છ, મોરબી, જૂનાગઢ, રાજકોટ સહિત અનેક જિલ્લાઓમાં ભારે વરસાદની આગાહી છે.