સરકારી કર્મચારીઓને લિલા લહેર ૮ દિવસની રજા

ગુજરાત સરકારે રાજ્યના લાખો કર્મચારીઓને દિવાળીના તહેવારોમાં પરીવાર સાથે રહી શકે તે માટે જાહેર રજાઓ સાથે પડતર રજાઓ એડજેસ્ટ મીની વેકેશન આપી દિધું. એક મહત્વપૂર્ણ નિર્ણય હેઠળ, સરકારે દિવાળી અને બેસતા વર્ષ વચ્ચે આવતા બે પડતર દિવસોમાં પણ રજા જાહેર કરી દીધી છે. આના કારણે સરકારી કર્મચારીઓને આ વર્ષે 19 ઓક્ટોબરથી 26 ઓક્ટોબર સુધી સતત 8 દિવસનું લાંબુ મિની વેકેશન માણવા મળશે.

પડતર દિવસોમાં રજાનું જાહેરનામું

સામાન્ય રીતે દિવાળીના તહેવારો દરમિયાન આવતી જાહેર રજાઓ વચ્ચે જે દિવસે સરકારી કચેરીઓ ચાલુ રહેતી હોય છે, તેને પડતર દિવસો કહેવાય છે.

રાજ્ય સરકારે કર્મચારીઓને તેમના વતનમાં પરિવાર સાથે તહેવારની ઉજવણી કરવાની સુવિધા પૂરી પાડવા માટે આ બે દિવસોમાં રજા જાહેર કરી છે:

1. 21 ઓક્ટોબર (મંગળવાર): દિવાળી (સોમવાર) અને નૂતન વર્ષ (બુધવાર) વચ્ચેનો પડતર દિવસ.

2. 24 ઓક્ટોબર (શુક્રવાર): ભાઈબીજ (ગુરુવાર) અને ચોથા શનિવાર વચ્ચેનો પડતર દિવસ.

સતત 8 દિવસની રજાનો સંપૂર્ણ કાર્યક્રમ

રાજ્ય સરકારના સામાન્ય વહીવટ વિભાગ દ્વારા જાહેર કરાયેલા કેલેન્ડર વર્ષ 2025ની જાહેર રજાઓ મુજબ, કર્મચારીઓને આ રીતે સતત 8 દિવસની રજા મળશે:

• 19 ઓક્ટોબર (રવિવાર) - રજા
• 20 ઓક્ટોબર (સોમવાર) – દિવાળી
• 21 ઓક્ટોબર (મંગળવાર) - પડતર દિવસે રજા જાહેર
• 22 ઓક્ટોબર (બુધવાર) – નૂતન વર્ષ દિન
• 23 ઓક્ટોબર (ગુરુવાર) – ભાઈબીજ
• 24 ઓક્ટોબર (શુક્રવાર) - પડતર દિવસે રજા જાહેર
• 25 ઓક્ટોબર (શનિવાર) – ચોથો શનિવાર
• 26 ઓક્ટોબર (રવિવાર) – રવિવાર