ગુજરાતમાં છેલ્લા ઘણા દિવસોથી ડ્રગ્સ, દારૂ અને પોલીસ કાર્યવાહીને લઈને રાજકીય નિવેદનબાજી અને વિવાદ ચાલી રહ્યો છે. વડગામના ધારાસભ્ય જિગ્નેશ મેવાણી દ્વારા પોલીસ સામે કરાયેલી ટીકા બાદ પોલીસ DGP વિકાસ સહાયે ગાંધીનગર કરાઈ એકેડમી ખાતે પોલીસનું મનોબળ તોડવાના કોઈપણ બાહ્ય પ્રયાસને સહન ન કરવાનો સ્પષ્ટ સંદેશ આપીને આકરો જવાબ આપ્યો હતો. ત્યારબાદ પરેશ ધાનાણીએ પણ એક ટ્વીટ કર્યું છે.
ગુજરાતની વર્તમાન પરિસ્થિતિ પર સવાલો
તેમણે 'પોલીસને સલામ, પટ્ટાવાળા હરામ'ના શક્તિશાળી શીર્ષક સાથે ગુજરાતની વર્તમાન પરિસ્થિતિ પર સવાલો ઉઠાવ્યા છે. પરેશ ધાનાણીએ સ્પષ્ટપણે જણાવ્યું છે કે, "મુઠ્ઠીભર બેઈમાનોના ઘર ભરવા માટે લાખો ઈમાનદાર યુવાનોને દારૂ અને ડ્રગ્સના બંધાણી બનાવવાનું ષડયંત્ર હરગીજ ચલાવી લેવાય નહિ."
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1764162490319_THUMB_03.jpg.jpg" alt="THUMB_03.jpg" width="500" height="308">
ડ્રગ્સ માફિયાઓનું પ્રવેશદ્વાર બનશે
તેમણે ગંભીર આરોપ લગાવ્યો છે કે, ડ્રગ્સ માફિયા, વ્યાજખોરી અને મિલકત માફિયાઓની સિન્ડિકેટે હાલ સમગ્ર ગુજરાતના યુવાધનને વર્ષોથી બાનમાં લીધું છે. પરેશ ધાનાણીનો સવાલ છે કે, જ્યારે કોઈ ઈમાનદારીથી આ ડ્રગ્સ માફિયાઓ વિરુદ્ધ અવાજ ઉઠાવી રહ્યું છે, ત્યારે શું બધાય બેઇમાનોનું ટોળું જ ખુદ માફિયાઓને બચાવવા નીકળ્યું હશે? &nbsp;તેમણે ગુજરાતના ભવિષ્ય અંગે ચિંતા વ્યક્ત કરતા પૂછ્યું કે, શું માફિયાઓનો માલ ખાઈને નવી પેઢીને બરબાદ કરવા માટે મોકળું મેદાન મળશે? શું મારુ સંસ્કારી ગુજરાત હવે ડ્રગ્સ માફિયાઓનું પ્રવેશદ્વાર બનશે અને યુવાન તેમનો ગુલામ બનશે?
જેલમાં ધકેલવાના ષડયંત્રો રચાતા રહેશે?
પરેશ ધાનાણીએ સરકાર અને સિસ્ટમ પર સવાલ ઉઠાવતા કહ્યું કે, શું 'સાહેબ'નું ગુજરાત ખુદ માફિયાઓની જ પીઠ થબથબાવશે? શું સંવિધાનની સોગંદ ખાનારા ખુદ જ સરકારની કઠપૂતળી બની જશે? તેમણે ઈમાનદાર અધિકારીઓની સુરક્ષા અને ગૌરવ પર જોખમની વાત કરતા આશંકા વ્યક્ત કરી કે, શું ખુદ ઈમાનદારોને ડરાવવા, ધમકાવવા, ફસાવવા અને જેલમાં ધકેલવાના ષડયંત્રો રચાતા રહેશે? અને શું હવે સુરક્ષાના પ્રતિક સમાન ટોપી/પટ્ટા ખુદ સરકારી ઉંબરે ગીરવે મુકાવા મજબૂર હશે?
અંતમાં આશા અને સંકલ્પ વ્યક્ત
જોકે, પરેશ ધાનાણીએ અંતમાં આશા અને સંકલ્પ વ્યક્ત કર્યો છે. તેમણે ભારપૂર્વક કહ્યું કે, "ના, ના, ના, હરગીજ નહિ..." અને પોલીસને 2 ભાગમાં વહેંચીને સ્પષ્ટ કર્યું કે, "સંવિધાનની રક્ષા કરે ઈ સિપાહી, પાર્ટીના ઈશારે નાચે ઈ પટાવાળા." તેમણે અંતે સંકલ્પ લીધો કે મારુ ગુજરાત સંવિધાનના રક્ષકોને કાયમી સલામ કરશે અને પાર્ટીના ઈશારે નાચનારા સૌના જરૂરથી પટ્ટા ઉતારશે. આ સમગ્ર નિવેદન ગુજરાતમાં માફિયા તત્વો અને યુવાધનના ભવિષ્ય પર એક ગંભીર ચર્ચા છેડાવે છે.

પરેશ ધાનાણીએ ઉડતુ_ગુજરાત_અટકાવીએ તેવું ટ્વીટ કરીને આ મુદ્દા પર વધારે જોર આપ્યું

November 26, 2025 | 18:41 IST