ગુજરાત સરકારનું કડક વલણ, ગોધરા રેન્જના 2 વન અધિકારીઓને છૂટા કરતા વહીવટી તંત્રમાં ફફડાટ

સરકાર ગેરરીતિ અને અપ્રામાણિકતા અંગે હવે સુસ્ત રહેશે નહિ. સરકારે ગોધરા રેન્જના 2 વન અધિકારી વિજય ચાવડા અને આકાશ પડશાલાને નોકરીમાંથી છૂટા કર્યા છે. સરકારના નિર્ણયથી વહીવટીતંત્રમાં ફફડાટ જોવા મળ્યો છે.

આ બંને અધિકારીઓ સામે તપાસ ચાલી રહી હતી અને તેઓ હાલ પ્રોબેશન પીરિયડમાં હતા. તપાસ દરમિયાન ગંભીર ગેરરીતિઓ સામે આવી હતી, જેના પગલે સરકાર દ્વારા કડક પગલાં લેતા તેઓને નોકરીમાંથી છૂટા કરવામાં આવ્યા છે.

ઉલ્લેખનીય છે કે, થોડા સમય પહેલાં સામાન્ય વહીવટ વિભાગે પરિપત્ર જાહેર કરીને સ્પષ્ટ કર્યો હતો કે, રાજ્ય સરકાર ગેરરીતિ કરતી અધિકારીઓ સામે શૂન્ય સહનશીલતા રાખશે. ત્યારથી સતત કાર્યવાહી થઈ રહી છે અને આ અંગે સતત ચેતવણી આપવામાં આવી રહી છે.

આ કાર્યવાહી દર્શાવે છે કે, રાજ્ય સરકાર સાફ સંદેશ આપી રહી છે-ગેરરીતિ માટે રાજ્યના તંત્રમાં કોઈ જગ્યા નથી.