ગંભીરા બ્રિજ દૂર્ઘટના, 10 કલાક પછી હજું પણ રેસ્ક્યું ઓપરેશન ચાલુ

મહીસાગર નદી પરનો 45 વર્ષ જૂનો ગંભીરા બ્રિજ આજે (9 જુલાઈ) વહેલી સવારે તૂટી પડતા હાહાકાર મચી ગયો હતો. આ ઘટનામાં ગંભીરા બ્રિજ ઉપરથી પસાર થઈ રહેલી બે ટ્રક, એક બોલેરો જીપ સહિત ચાર વાહનો બે કાંઠે વહેતી મહીસાગર નદીમાં ખાબક્યા હતા. જેમાં 10 વ્યક્તિઓના મોત થયા છે. જ્યારે 9 વધુ લોકોને રેસ્ક્યુ કરીને બચાવી લેવાયા છે.આ ઘટનાને 10 કલાક વીતવા આવ્યા છે છતાં હજું પણ રેસ્ક્યુ ઓપરેશન ચાલી રહ્યું છે

શંકા છે કે તૂટેલા ગડર અને  ટાઇલ્સ ભરેલી ટ્રક નીચે હજું પણ વાહનો દટાયેલા છે તો પાણીમાં હજી એક ટ્રક, ટેમ્પો, ઇક્કો, બે ત્રણ બાઇક રહેલાની શંકા છે. ત્યાં બચાવ કાર્ય કરી રહેલા સ્થાનિકોને હજું પણ ઘણા વાહનો દટાયેલા હોવાની શંકા છે. બીજી તરફ પાણી અને કાદવના પગલે ટ્રક સુધી પહોંચવા માટે માર્ગ બનાવામાં આવી રહ્યો છે.  બે હિટાચી મશીન, ક્રેઇન, જેસીબી સહિતની મશીનરી સાથે રેસ્ક્યુ ટીમ હાલ બચાવ કાર્ય કરી રહી છે.

મળેલી માહિતી મુજબ છેલ્લા ચારથી પાંચ કલાકથી ટાઇલ્સ ભરેલી ટ્રકને બહાર કાઢવાના પ્રયાસો કરાઇ રહ્યા છે પણ નદીમાં પાણી અને કાદવ કિચડ હોવાથી મશીનરી ગોઠવવામાં તકલીફોનો સામનો કરવો પડી રહ્યો છે. જો રેસ્ક્યુ વર્ક કરતા રાત પડી જશે તો કામ કરવું અઘરું પડી જશે તેમ મનાઇ રહ્યું છે

આ પણ વાંચો---

આમોદ જંબુસર રોડ પર આવેલો ઢાઢર નદી પરનો બ્રિજ પણ જર્જરિત હાલતમાં