ગુજરાત યુનિવર્સિટીના બે કોર્સની ફીમાં વધારો

ગુજરાત યુનિવર્સીટી દ્વારા બે કોર્સના ફેકલ્ટી દ્વારા ફીમાં વધારો કરવામાં આવ્યો છે. યુનિવર્સીટી દ્વારા સૌથી વધુ ડિમાન્ડિંગ એવા ઈન્ટિગ્રેટેડ કોર્સ MBA અને MSCIT માં આ વર્ષે 50 ટકા ફીમાં વધારો કરવામાં આવ્યો છે. સ્ટાફનો પગાર ન નીકળતો હોવાથી અને છેલ્લા 14 વર્ષથી ફીમાં પણ વધારો થયો ન હોવાથી  યુનિવર્સિટી દ્વારા  ફીમાં વધારો કરવામાં આવ્યો છે. યુનિવર્સિટી દ્વારા  અગાઉથી ફી વધારા મુદ્દે કોઈ જાહેરાત કરવામાં આવી ન હતી. યુનિવર્સિટી દ્વારા ફીમાં વધારાને લઈને ઈસી કે બોર્ડ મીટીંગમાં કોઈ નિર્ણય લેવામાં આવ્યો હતો કે નહી તે એક પ્રશ્ન છે. 

ગુજરાત યુનિવર્સીટીના બે સૌથી વધુ ડિમાન્ડિંગ કોર્સ : 

ગુજરાત યુનિવર્સીટીમાં કે.એસ.સ્કુલ ઓફ બિઝનેસ મેનેજમેન્ટ અને ઈન્ફોર્મેશન ટેકનોલોજી વિભાગમાં વર્ષોથી ઈન્ટિગ્રેટેડ MBA અને MSCIT કોર્સ ચાલે છે. કોમર્સ અને સાયન્સના તમામ વિદ્યાર્થીઓ આ કોર્સીસમાં પ્રવેશ લઈ શકે છે. આ કોર્સીસ ગ્રાન્ટેડઈન ધોરણે ચાલતા હોય છે અને ઓછી ફીના લીધે તેમજ સારા પ્લેસમેન્ટના લીધે વધારે ડિમાન્ડિંગ  કોર્સ છે. આ કોર્સીસમાં પ્રવેશ લેવા માટે ધોરણ 12 માં 80 થી 85 ટકા લાવવા ખૂબ જરૂરી હોય છે. આ કોર્સીસ માટે અત્યાર સુધીમાં સેમિસ્ટર દીઠ 9500 રૂપિયા ફી લેતા હતા.એટલે વાર્ષિક 19 હજાર ફી હતી. પરંતુ આ વર્ષે ફીમાં વધારો કરી દેવાયો છે. હવે દર સત્ર દીઠ ફી વધારીને 14,750 રુપયા અને વાર્ષિક ફી 29,500 રુપયા ફી કરાઈ છે. જેમાં પરીક્ષા સહિતના તમામ ખર્ચ સામિલ છે. 

છેલ્લે વર્ષ 2011માં ફી વધારી હતી ત્યારે 14 વર્ષથી ફી વધી ન હોવાથી ખાનગી યુનિવર્સિટીઓની સરખામણીએ ઈન્ટિગ્રેટેડ કોર્સીસમાં  14 વર્ષે ફીમાં વધારો થાય તે જરૂરી છે. પરંતુ એક સાથે 50 ટકા ફીમાં વધારો કરવાથી વિદ્યાર્થીઓના માથે બોજ વધી જશે. યુનિવર્સિટીના તંત્રનો દાવો છે સારા વિઝીટીંગ ફેકલ્ટીથી માંડીને સ્ટાફનો પગાર પણ જૂની ફીમાંથી નીકળતો ન હતો અને સ્ટાફનો પગાર કરવા માટે વિભાગને લોન લેવી પડતી હતી. જેના કારણે ફીમાં વધારો કરવામાં આવ્યો છે. 

યુનિવર્સીટી દ્વારા બંધ બારણે ફી વધારો કરી દેતા ફરિયાદ ઉઠી હતી.જેના કારણે યુનિવર્સિટી દ્વારા ફીમાં વધારા માટે કોઈ પણ પ્રકારની અગાઉથી જાહેરાત થઈ ન હતી. આ બે કોર્સીસના ડિમાન્ડ માટે 90-90 ટકા બેઠકો વધારવા માટે જાહેરાત કરવામાં આવી હતી. પરંતુ ફી વધારા માટે કોઈ જાહેરાત કરવામાં આવી ન હતી. જ્યારે NSUI દ્વારા ફરિયાદ કરવામાં આવી છે, કે બેઠક વધારા માટે જીકાસની સાઈડ પર કોઈ સ્પષ્ટતા કરાઈ નથી.