ગુજરાતે ગુમાવ્યો 'પ્રતિભાશાળી' નેતા...
12 જૂનના રોજ અમદાવાદમાં બનેલી ભયાવહ એર ઈન્ડિયા વિમાન દુર્ઘટનાએ સમગ્ર રાજ્યને હચમચાવી દીધું છે, અને આજે સવારે 11:10 કલાકે DNA ટેસ્ટ દ્વારા ગુજરાતના પૂર્વ CM વિજય રૂપાણીના નિધનની સત્તાવાર પુષ્ટિ થતા શોકનો માહોલ વધુ ઘેરો બન્યો છે. આ સમાચાર મળતા જ રાજકીય વર્તુળો સહિત સમગ્ર રાજ્યમાં ગમગીની છવાઈ ગઈ છે.
ગૃહમંત્રી હર્ષ સંઘવીએ આ અત્યંત દુઃખદ સમાચાર પર શોક વ્યક્ત કરતા જણાવ્યું કે, "વિજય રૂપાણીએ વર્ષો સુધી રાજ્યની જનતાની નિષ્ઠાપૂર્વક સેવા કરી હતી. તેમના નિધનથી ગુજરાતે ખરેખર એક પ્રતિભાશાળી, સમર્પિત અને લોકપ્રિય નેતા ગુમાવ્યો છે, જેની ખોટ ક્યારેય પૂરી નહીં શકાય."
રાજકોટમાં અંતિમયાત્રાની તૈયારીઓ, પરિવાર રવાના...
પ્રાપ્ત માહિતી અનુસાર, દિવંગત પૂર્વ CM વિજય રૂપાણીની અંતિમયાત્રા તેમના વતન રાજકોટમાં યોજવામાં આવશે. તેમના પરિવારજનો ટૂંક સમયમાં અમદાવાદથી રાજકોટ જવા રવાના થશે. રાજકોટમાં આ અંતિમયાત્રા માટેની તૈયારીઓ યુદ્ધના ધોરણે શરૂ કરી દેવામાં આવી છે. રાજકીય નેતાઓ અને કાર્યકરોમાં શોકનો માહોલ છે અને સૌ રૂપાણી સાહેબને અંતિમ વિદાય આપવા રાજકોટ પહોંચી રહ્યા છે.
આ પણ વાંચો : Ahmedabad Plane Crash : શોકગ્રસ્ત પિતાની અપીલ, 'મારી દીકરી દાખલ છે, થોડી માનવતા રાખો!' Video
CM સિવિલ હોસ્પિટલ જવા રવાના...
આ કરુણાંતિકા વચ્ચે, રાજ્યના CM હાલ સિવિલ હોસ્પિટલ જવા રવાના થયા છે, જ્યાં તેઓ વિજય રૂપાણીના પાર્થિવ દેહને અંતિમ શ્રદ્ધાંજલિ આપશે અને પરિવારજનોને સાંત્વના પાઠવશે. આ દુર્ઘટનાએ ગુજરાતના રાજકીય અને સામાજિક ક્ષેત્રે એક ઊંડો ખાલીપો સર્જ્યો છે. વિજય રૂપાણીનું અકાળે અવસાન રાજ્ય માટે એક મોટી ક્ષતિ છે, અને તેમના યોગદાનને હંમેશા યાદ રાખવામાં આવશે. આ દુઃખની ઘડીમાં સમગ્ર ગુજરાત શોકમગ્ન છે.
આ પણ વાંચો : રાજકોટમાં સ્વ.વિજય રૂપાણીના અંતિમ યાત્રાનો રૂટ જાહેર, 'નો પાર્કિંગ-નો એન્ટ્રી'નો અમલ
અનુભવ: 3 વર્ષ
પત્રકાર
બેનિફિટ ન્યૂઝ ડેસ્ક ગુજરાત, ભારત, રાજકારણ, ક્રાઇમ, બિઝનેસ, મનોરંજન, સ્પોર્ટ્સ અને અન્ય મહત્વપૂર્ણ વિષયો સાથે જોડાયેલા તાજા, સચોટ અને વિશ્વસનીય સમાચાર પ્રદાન કરે છે.
તાજા અપડેટ્સ મેળવો સીધા તમારા WhatsApp પર
તાપીના સોનગઢમાં નવરાત્રી સંબંધિત સોશિયલ મીડિયા પોસ્ટ પર વિવાદ બાદ યુવકના ઘર પર પથ્થરમારો થયાનો આરોપ લાગ્યો છે. પોલીસે હત્યાના પ્રયાસ અને રમખાણો સહિતની કલમો હેઠળ ગુનો નોંધી તપાસ શરૂ કરી છે, જ્યારે પોલીસની ખાતરી બાદ બંધનું એલાન પાછું ખેંચાયું હતું.
વડોદરાના તાંદલજા વિસ્તારમાં યુસુફ પઠાણના 978 ચો.મી.ના પ્લોટ વિવાદમાં મોટો વળાંક આવ્યો છે. પ્રસ્તાવ મુજબ 500 ચો.મી. જમીન મફત અને બાકીની જમીન પર 45% ડિસ્કાઉન્ટની જોગવાઈ છે. હવે આ મામલે VMCની મંજૂરી સહિતની આગળની પ્રક્રિયા પર સૌની નજર છે.
વિજયાદશમીના પર્વે અમદાવાદ, સુરત, રાજકોટ અને વડોદરા પોલીસ દ્વારા શસ્ત્ર પૂજન કરાયું. હથિયારો, પેટ્રોલિંગ વાહનો, અશ્વ અને ડોગ સ્ક્વોડની પૂજા સાથે પોલીસ જવાનોએ નાગરિકોની સુરક્ષા અને કાયદો-વ્યવસ્થા જાળવવાનો સંકલ્પ વ્યક્ત કર્યો.