શહેરમાં કાર ચાલકે સર્જ્યો અકસ્માત, નાગરિકો પર ફેંકી દારૂની પોટલીઓ

વડોદરાના ઓલ્ડ પાદરા રોડ પર એક નશામાં ચૂર કારચાલકે અકસ્માત સર્જતા હાઈ વોલ્ટેજ ડ્રામા જોવા મળ્યો હતો. અકસ્માત બાદ કારચાલકે બાઈકચાલક સાથે મારઝૂડા કરી હતા અને લોકો ભેગા થતાં વધુ હંગામો થયો હતો. નાગરિકોએ શોરમચાવતાં કાર ચાલક નશાની હાલતમાં હોવાની માહિતી સામે આવી હતી.

કારની તલાશી લેવામાં આવતા તેમાં દેશી દારૂની અનેક પોટલીઓ મળી આવી હતી. નશામાં ચૂર યુવકે નાગરિકો તરફ દારૂની પોટલીઓ ફેંકી હતી, જેના કારણે લોકોમાં ભયનો માહોલ સર્જાયો હતો. પોલીસ ઘટનાસ્થળે પહોંચતાં જ નશેડી યુવકને કાબૂમાં લઈને કાયદેસરની કાર્યવાહી શરૂ કરવામાં આવી છે.