રાજ્યમાં પોલીસ ભરતીની શારીરિક કસોટીની તારીખ નક્કી

રાજ્યમાં હજારો યુવાનો જેની કાગડોળે રાહ જોઇ રહ્યા છે તે પોલીસ ભરતીની શારીરિક કસોટીની તારીખ નક્કી થઇ છે.સુત્રોએ દાવો કર્યો છે કે 8 જાન્યુઆરીથી પોલીસ ભરતી માટે શારીરિક કસોટી શરુ થઇ શકે છે. આ શારીરિક કસોટી 2 મહિના સુધી ચાલશે.

રાજ્યમાં પોલીસ ભરતી મામલે મહત્વના સમાચાર આવ્યા છે. છેલ્લા ઘણા મહિનાઓથી ઉમેદવારો પોલીસ ભરતીની શારીરિક કસોટીની રાહ જોઇ રહ્યા હતા અને 8 જાન્યુઆરીએથી શારીરિક કસોટી શરુ થઇ જશે તેવા સમાચાર વહેતા થયા છે. ટૂંક સમયમાં જ  કસોટીની તારીખની સત્તાવાર જાહેરાત થઇ શકે છે. 

સોશિયલ મીડિયામાં જે માહિતી ફરતી થઇ છે તે મુજબ અમદાવાદ શહેર, વડોદરા શહેર, રાજકોટ શહેર, પોલીસ તાલીમ શાળા વડોદરા, પોલીસ તાલીમ મહાવિદ્યાલય જુનાગઢ, ગાંધીનગર, મહેસાણા, સાબકકાંઠા, ભરૂચ, જામનગર, સીઆરપીએફ અમદાવાદ, સીઆરપીએફ ગોધરા, સીઆરપીએફ નડિયાદ, સીઆરપીએફ ગોંડલ અને સીઆરપીએફ સુરતના ગ્રાઉન્ડના નોડલ અધિકારી અને તેમની વિગતો આપવામાં આવી છે