અમદાવાદની ગ્વાલિયા સ્વીટ્સ આવી વિવાદમાં, છોલે-ભટુરેમાંથી નીકળ્યો વંદો

અમદાવાદમાં ભોજનની ગુણવત્તા અને સ્વચ્છતા અંગે એક ચિંતાજનક ઘટના સામે આવતી રહે છે. આ ઘટના છે શહેરની પ્રસિદ્ધ ખાણીપીણીની દુકાન ગ્વાલિયા સ્વીટ્સની, જ્યાં એક ગ્રાહકને પોતાના ઓર્ડર કરેલા ખોરાકમાં જીવાત જોવા મળી હતી.

આ ઘટના સરખેજ નજીક રહેતા પટેલ પરિવાર સાથે બની હતી, જેમણે ગ્વાલિયા સ્વીટ્સમાંથી ઓનલાઈન છોલે ભટૂરા મંગાવ્યા હતા. પરંતુ જ્યારે તેઓ ખાવા માટે બેઠા, ત્યારે છોલે ભટૂરામાં 2 વંદા (જીવાત) નીકળ્યા હતા, જેના કારણે તેઓ ખૂબ જ ડઘાઈ ગયા હતા.

સ્ટોર મનેજરે પ્રતિસાદ આપતી વખતે કહ્યું કે "ક્યારેક બનાવતી વખતે અથવા લાવતી વખતે રસ્તામાં આવી તકલીફ થઈ જતી હોય છે." આવા પ્રતિસાદના કારણે ગ્રાહકને વધારે અસંતોષ થયો હતો. ઉલ્લેખનીય છે કે, આ પહેલી વાર નથી, જ્યારે ગ્વાલિયા સ્વીટ્સના ખોરાક વિશે નકારી ન શકાય તેવી માહિતી આવી છે. છેલ્લા કેટલાક મહિનાઓમાં, અનેક ગ્રાહકોએ અસ્વચ્છતા અને ખોરાકની ગુણવત્તા વિશે ફરિયાદ કરી છે.

સ્થાનિક અધિકારીઓએ હજુ સુધી આ ઘટનાને લઈને કોઈ પ્રતિસાદ આપ્યો નથી, પરંતુ આ ઘટનાએ ખોરાકના હાઈજીન અને ગુણવત્તા અંગે ગંભીર સવાલો ઉભા કર્યા છે. હવે, અમદાવાદના ખાણી-પીણીના પ્રેમીઓ માટે આ એક ચેતવણી બની છે. તેઓ કોઈ પણ ખોરાક મંગાવતી વખતે વધુ જાગૃત અને સાવધ રહેવું પડશે.