મહેસાણામાં બાંધકામ સ્થળે શ્રમિકનું મોત, કોન્ટ્રાક્ટરની બેદરકારીથી મોતની ઘટના

મહેસાણામાં સિવિલ હોસ્પિટલના બાંધકામ સમયે એક ગંભીર દુર્ઘટના બની છે, જ્યાં સુરક્ષા વિના કામ કરાવતા એક શ્રમિકનું ઊંચાઈ પરથી પડી જવાથી ઘટના સ્થળે જ મોત થયું છે. માહિતી મુજબ, Project Implementation Unit (PIU) દ્વારા કોન્ટ્રાક્ટરને અગાઉથી સુરક્ષા વ્યવસ્થા અંગે અનેકવાર નોટિસ આપી દેવામાં આવી હતી. છતાં પણ કોન્ટ્રાક્ટરે કોઈ પગલાં ન લીધાં અને કર્મચારીઓને યોગ્ય સુરક્ષા સાધનો વિના કામ પર લગાડ્યા હતા. પરિણામે, એક શ્રમિક મકાનના ઊંચા માળથી નીચે પટકાતા તેમનું ઘટનાસ્થળે જ મોત થયું હતું.

PIUની અગાઉની નોટિસ હોવા છતાં કોન્ટ્રાક્ટર દ્વારા બાંધકામ સાઇટ પર ન તો હેલ્મેટ, ન તો સલામતી બેલ્ટ જેવી કોઈ પણ જરૂરી સાવચેતી રાખવામાં આવી ન  હોતી. હવે પોલીસે મૃતદેહને પોસ્ટમોર્ટમ માટે મોકલી દેવામાં આવ્યો છે અને ઘટનાની તપાસ શરૂ કરી છે.

આસપાસ હાજર શ્રમિકોના નિવેદનો લઈને કાયદેસર કાર્યવાહી માટે પગલાં લેવામાં આવી રહ્યા છે. હાલ સુધીમાં કોન્ટ્રાક્ટર દ્વારા કોઈ સ્પષ્ટ નિવેદન આપવામાં આવ્યું નથી અને ન તો મૃતકના પરિવારને કોઈ સહાય આપવામાં આવી છે. આવી દુર્દશા દર્શાવતાં કિસ્સાઓ નિર્માણ સ્થળે સર્જાતી બેદરકારી અને કર્મચારીઓની સલામતી પ્રત્યેના ઉદાસીન વલણને ખુલ્લું પાડે છે.