જિજ્ઞેશ મેવાણીના ખુલ્લા પત્રથી ગુજરાત કોંગ્રેસમાં ઘમાસાણ, જૂથવાદે મૂકી માઝા

ગુજરાતમાં કડી અને વિસાવદરની પેટાચૂંટણી પહેલાં જ કોંગ્રેસમાં આંતરિક વિખવાદ ઘેરો બનતો જઈ રહ્યો છે. કડી બેઠકના જવાબદારી સ્વીકારવાનો ઈન્કાર કરતા યુવા ધારાસભ્ય જિજ્ઞેશ મેવાણીએ પ્રદેશ નેતાઓ વિરુદ્ધ ખુલ્લું મોરચો ખોલ્યો છે. તેમણે 'X' (હવેનું Twitter) પર કરેલી પોસ્ટ દ્વારા વિરોધનો બૂમો ફૂંક્યો છે.

મેવાણીની જ્વલંત ટિપ્પણી

જિજ્ઞેશ મેવાણીએ પોતાની પોસ્ટમાં કહ્યું છે, “હવે તો બીજા પક્ષના નેતાઓ પણ કહે છે કે તમારા પક્ષમાં ફુટેલી કારતૂસો જ છે. ભાજપની બી ટીમ, લગ્નના ઘોડા અને સેટિંગ કરનારાઓને હાંકી કાઢો. દુઃખે છે ક્યાં? મારું નહીં તો રાહુલજીનું તો માનો!” - આ ટિપ્પણી સીધી રીતે કોંગ્રેસના પ્રદેશ નેતાઓ સામે ગાળવાજ છે.

પ્રદેશ કોંગ્રેસમાં જૂથવાદ

વિસાવદર અને કડી બેઠક પર ઉમેદવારીના મુદ્દે જૂથવાદ સામે આવ્યો છે. ચૂંટણી અગાઉ યોજાયેલા સંમેલનમાં પણ મેવાણી હાજર ન હતા. સુત્રો મુજબ, જૂથવાદના કારણે કોંગ્રેસ હાલમાં પબ્લિકલી ઉમેદવાર જાહેર નહીં કરે. બંને બેઠકો પર સોમવારે ફોર્મ ભરાશે.

ઉમેદવારોની પસંદગી

ભાજપ તરફથી કડીમાં હિતુ કનોડિયા, વિસાવદરમાં ભૂપત ભાયાણી અથવા હર્ષદ રિબડીયા ટોપમાં છે. જ્યારે AAP તરફથી પંજાબ CM ભગવંત માન અને અરવિંદ કેજરીવાલની હાજરીમાં ગોપાલ ઇટાલિયાએ ફોર્મ ભર્યું છે. તથા, કોંગ્રેસ હાલ નામ જાહેર નહીં કરે, પણ રવિવારે સંકેત આપીને સોમવારે ઉમેદવાર ફોર્મ ભરશે.